PNA – كاتژمێر 30ر8ی شه‌و له‌ یاریگه‌ی یانه‌ی مه‌ریخی سودانی له‌ خه‌رتوم، هه‌ردوو هه‌ڵبژارده‌ی میسر و جه‌زایر له‌ یاری یه‌كلاكه‌ره‌وه‌ بۆ گه‌یشتن بۆ كۆتاییه‌كانی مۆندیالی 2010 به‌یه‌ك ده‌گه‌ن.
ئه‌م یارییه‌ بۆ دوایین پلیتی پاڵاوتنه‌كانی ئه‌فریقیایه‌ كه‌ تا ئێستا چوار هه‌ڵبژارده‌ گه‌یشتونه‌ته‌ كۆتاییه‌كان و ئه‌م دوو هه‌ڵبژارده‌یه‌ گه‌یشتنه‌ ئه‌م یارییه‌ چونكه‌ له‌ گرووپه‌كه‌یان له‌ هه‌موو شتێك یه‌كسان بوون.
رۆژی شه‌ممه‌ی رابردوو له‌ دوایین یاری ئه‌م گرووپه‌، جه‌زایر ئه‌گه‌ر به‌ گۆڵێكیش به‌ میسر بدۆرِایه‌ ئه‌وا رایته‌وخۆ ده‌گه‌یشته‌ كۆتاییه‌كان، له‌مه‌ش زۆر نزیك بووه‌وه‌ تا خوله‌كی 5ی كاتی زیاد كراو، به‌ڵام له‌ خوله‌كی (95) یاریزانی میسری عیماد متعب توانی گۆڵی دووه‌می میسر تۆمار بكات و باره‌كه‌ به‌مجۆره‌ بگۆرِێ.
له‌ یارییه‌كه‌ی سبه‌ی ئه‌گه‌ر هه‌ردوولا به‌رانبه‌ر بن، دوو گێمی زیادكراو یاری ده‌كرێت و به‌ به‌رده‌وامبوونی به‌رانبه‌ربوون ده‌بێته‌ لێدانی یه‌كلاكه‌ره‌وه‌ بۆ ئه‌وه‌ی یه‌كێكیان بگاته‌ كۆتاییه‌كان و ئه‌وی تریان ماڵئاوایی بكات.
ئه‌م یارییه‌ به‌ برِیاری یه‌كێتی تۆپی پێی نێوده‌وڵه‌تی له‌ خه‌رتوم به‌رِێوه‌ده‌چێ دوای ئه‌وه‌ی تیروپشك كرا له‌ نێوان تونس كه‌ جه‌زایر ده‌یویست و سودان كه‌ میسر ده‌یویس، له‌ئاكامدا میسر بردیه‌وه‌ و یارییه‌كه‌ له‌ سوان ئه‌نجام ده‌درێت