PNA- ئارام شێركۆ / كه‌ركوك – دوای ئه‌و سه‌ركه‌وتنه‌ی یانه‌ی كه‌ركوك تۆماری كرد، له‌ یه‌كه‌می نزیك بوویه‌وه‌. 
ئه‌مڕۆ له‌  یاریگه‌ی كه‌ركوك یانه‌ی كه‌ركوك توانی له‌ هه‌فته‌ی هه‌وته‌م له‌ خولی پله‌ نایابه‌كانی كوردستان به‌ دوو گولی بێ به‌رامبه‌ر له‌ یانه‌ی دهۆك بباته‌وه‌ و سێ خاڵ مسۆگه‌ر بكات.
به‌م بردنه‌وه‌یه‌، كۆی خاڵه‌كانی یانه‌ی كه‌ركوك گه‌یشته‌ 13 خاڵ و ئێستا ركابه‌ری بۆ پله‌كانی یه‌كه‌م و دووه‌می خولی كورستان ده‌كات.
له‌مباره‌یه‌وه‌ یاردیده‌ری راهێنه‌ری یانه‌ی كه‌ركوك (داره‌وان قادر) له‌ لێدوانێكی تایبه‌ت به‌ (ئاژانسی په‌یامنێر) گووتی: "به‌ بردنه‌وه‌ی ئه‌م یارییه‌ و به‌ ده‌ستهێنانی ئه‌م سێ خاله‌ بۆ یانه‌ی كه‌ركوك زۆر گرنگ بوو چونكه‌ ئێستا یانه‌ی كه‌ركوك، یه‌كێكه‌ له‌و یانه‌ی له‌ ركابه‌ری بۆ به‌ده‌ستهێنانی پله‌ی یه‌كه‌م و دووه‌م ده‌كات".
جێی ئاماژه‌یه‌ گۆله‌كانی یارییه‌كه‌ له‌ لایه‌ن مسته‌فا كامل گۆلی یه‌كه‌م له‌ خوله‌كی 56 و گۆلی  دووه‌م له‌ خوله‌كی 65 له‌ لایه‌ن ئیبراهیم حه‌سه‌نه‌وه‌ تۆمار كرا.
هه‌ر چه‌نده‌ یانه‌ی دهۆك هه‌ولی تۆمار كردنی گۆلیان دا، به‌ڵام هه‌وڵه‌كانیان بێ ئه‌نجام بوو.