كه‌ركوك ـ عه‌دنان عه‌بدولڕحمان...ئه‌نجامی تیپه‌كانی دواین ریزبه‌ندی خولی نایابی یانه‌كانی كوردستان له‌  هه‌ڵكشان وداكشاندا به‌رده‌وامه‌،به‌هۆیه‌یشه‌وه‌ یاری په‌یژه‌وماری نێوان ئه‌و تیپانه‌ درێژه‌ی هه‌یه‌و هێچ كام له‌و تیپانه‌ش له‌  له‌یه‌ك جه‌وله‌ زیاتر له‌ پێش یه‌كتر نابن به‌ڵكو له‌ جه‌وله‌ی داهاتوودا جێگاكه‌ی خۆی ده‌بخشێته‌ تیپێكی دێكه‌یان ،هه‌روه‌ك رۆژی 4-2 وله‌ میانی یارییه‌كانی جه‌وله‌ی چواره‌می قۆناغی دووه‌می خوله‌كه‌دا یانه‌ی سه‌وره‌ كه‌ به‌كۆكردنه‌وه‌ی 12 خاڵا له‌ پله‌ی 13 ریزبه‌ندیكه‌دایه‌ له‌ نیو یاریگای خۆیدا سێ‌ خاڵی یارییه‌كه‌ی به‌خشییه‌ تیپی شێروانه‌ی میوان وركابه‌ری كه‌ ئه‌ویش به‌ جیاوازی ته‌نها یه‌ك خاڵا له‌ دوای تیپی سه‌وره‌ی برینداره‌و  له‌ دواین ریزبه‌ندی خوله‌كه‌ خۆی قایمكردوه‌
له‌میانی ئه‌و یارییه‌دا كه‌ له‌كه‌ش وهه‌وایه‌كی ساردا به‌ڕێوه‌چوو تیایدا وله‌گێمی یه‌كه‌مدا كه‌ به‌یه‌كسانبوونی هه‌ردوو تیپ به‌بێ‌ گۆڵا كۆتایی هات یاریزانانی هه‌ردوو تیپ به‌ئاستێكی به‌رزه‌وه‌ ده‌ركه‌وتن وچه‌ندین هێرشی پوخت وشوتیی به‌هێزیان ئاڵوگۆڕ كرده‌ سه‌ر گۆڵی یه‌كتر.له‌ گێمی دووه‌مدا ودوای تێپه‌ڕبوونی 8 ده‌قیقه‌ په‌یمان عه‌زیز هێرشبه‌ری لاوای تیپی شیروانه‌ وباشترین یاریزانی یارییه‌كه‌ كه‌ به‌جموجۆڵه‌كانی دڵه‌راوكی خستبووه‌ ناو یاریزانانی هێڵی به‌رگری تیپی خانه‌ خوێ‌ به‌ لێدانێكی به‌هێز وجوان تۆڕی تیپی خاوه‌ن یاریگای هه‌ژاندو تیپه‌كه‌ی به‌گۆڵێك پێشخست،دوای ئه‌و گۆڵه‌ش به‌چه‌ند ده‌قیقه‌یه‌ك گۆڵچی تیپی شێروانه‌ له‌ ده‌ره‌وه‌ی ناوچه‌ی سزا هێرشێكی تیپی سه‌وره‌ی به‌ده‌ست ره‌تكرده‌وه‌ بوه‌ به‌ربه‌ست له‌ تۆماركردنی گۆڵی به‌رامبه‌ر  ئه‌ویش بوه‌ هۆی ئه‌وه‌ی كه‌ ناوبژیوان له‌ یاریگا دووریبخاته‌وه‌ تیپه‌كه‌ی به‌ 10 یاریزان مایه‌وه‌،به‌ڵام سه‌رباری ئه‌وه‌ی كه‌ كاتێكی زۆر مابوو یاریزانانی  تیپی سه‌وره‌ش فشارێكی زۆریان خسته‌ سه‌ر تیپی به‌رامبه‌ر به‌لام به‌هۆی تواناو لێهاتووی یاریزانانی هێڵی به‌رگری تیپی میوان له‌لایه‌ك وناپوختی وهێرشاكان ونه‌بوونی یاریزانی گۆڵكار له‌لایه‌كی دیكه‌وه‌ تیپی سه‌وره‌ سوودی له‌ كه‌می ژماره‌ی یاریزان وه‌رنه‌گرد نه‌یاتوانی ئه‌و هه‌له‌ بقۆزنه‌وه‌ یارییه‌كه‌ش به‌ گۆڵێكی خاوین به‌ پێشكه‌وتنی  شیروانه‌ كۆتایی هات.