هادی ئه‌حمه‌د...كه‌لار:یارییه‌كانی یه‌كه‌م هه‌فته‌ی خولی تۆپی پێی  تازه‌پێگه‌یشتووانی یانه‌كانی كوردستان ده‌ستیپێكرد . رۆژی 5/1سه‌عات (2)ی پاشنیوه‌رۆ له‌ شاری كه‌لار به‌ ئاماده‌بوونی سه‌رۆكی یانه‌ی شێروانه‌ و جه‌ماوه‌رێكی ورزشی له‌ وه‌رزشكاران و وه‌رزشدۆستان له‌  یاریگای خۆیدا تیپی تازه‌پێگه‌شیتووانی یانه‌ی شێروانه‌ له‌ یه‌كه‌م هه‌فته‌ی خوله‌كه‌دا میوانداری تیپی تازه‌پێگه‌یشتووانی یانه‌ی دهۆك –ی كرد تایمی یه‌كه‌می یارییه‌كه‌ ئاستێكی مامناوه‌ندی هه‌بوو هه‌ردوو تیپ ( 0 – 0 )یه‌كسانبوون .
به‌ڵام له‌ تایمی دووه‌مدا یارییه‌كه‌ گۆڕاو ئاستێكی باشتری به‌خۆوه‌بینی هه‌ردوو تیپ به‌ مه‌به‌ستی تۆماركردنی گۆڵ هێرشیان ده‌كرده‌ سه‌رگۆڵی یه‌كتری و له‌ ئه‌نجامی ئه‌و هێرشانه‌داو له‌ دوا ساته‌كانی یارییه‌كه‌دا یاریزانی تیپی تازه‌پێگه‌یشتووانی یانه‌ی شێروانه‌ ( ئه‌سرا حه‌سه‌ن رۆسته‌م ) له‌ ده‌قیقه‌ی ( 70 )دا تاكه‌ گۆڵی یارییه‌كه‌و بردنه‌وه‌ی بۆ یانه‌كه‌ی تۆماركرد .