خەرمانی فوتبوڵی كوردستان وئاوات

بۆ دووەم وەرزە خولی نایابی یانەكانی كوردستان بەڕێوەدەچێت چاوەڕوانی وەرزی داهاتووین، چالاكیەكانی تۆپی پیێ كوردستان بەهەمان شیوازی ولاتانی جیهان ئەنجام درا لەگەل تازەیی كەم ئەزموونی وتەمەنێكی كورت.
خولەكانی وڵاتانی جیهانی پێشكەوتوو دەوڵەمەند یاخولەكانی وڵاتانی جیهانی سێ یەم كەم دەرامەت هەمان شێوازە.
وڵات هەیە بەلایەنی كەم بیستەم وەرزە، وڵاتیش هەیە( 100) یەمیتی تێپەڕاندووە پارساڵ خول و پاڵەوانیەتیەكان پاڵاوتن بوو بۆ ریزبەندو پوڵین كردنی پلەی سەرجەم یانەكان
یەكەم وەرزە(2007-2008) خولێكی شانزە یانەیی بەدووقۆناغ و شێوازی هاتن و چوون لەمێژووی تۆپی پێی كوردستان بە یەكگرتووی و سەرتاسەری ئەنجام بدرێت
چالاكیەكانی ئەنجامدراوی وەرزی 2007-2008 بریتیە لە،
1. خولی پلەنایابی یانەكانی كوردستان بۆ شانزە یانەبەدوو قۆناغ.
2. خولی پلەیەكی كوردستان بۆ بیست یانەبوو بۆ دووگروپ و یەك قۆناغ.
3. خولی پلەدووی یانەكانی كوردستان بۆ چل و شەش یانە چوارگروپی هەولێر و سلێمانی و كەركوك و دهۆك و قۆناغی دووەم كە بەردەوامە بەسەركەوتنی نۆ یانە لەسەرجەم گروپەكان بۆ دەستنیشانكردنی چواریانە تاسەركەوێتە خولی پلەیەك.
4. كردنەوەی خوڵێكی راهێنەرایەتی بۆ راهێنەرانی كوردستان بەخێرایی بۆماوەكورت بەسەرپەرشتی پسپۆرانی تۆپی پێی وڵاتی ئەرژەنتین و شیلی بە یارمەتی و هاوكاری رێكخراوی وەرزشی ئەمریكی،

چالاكیەكانی كەبەڕێوەیە.
5. خولی یانەكانی كوردستان بۆ لاوان.
6. خولی یانەكانی كوردستان بۆ تازەپێگەیشتوان.
7. پاڵەوانیەتی هەڵبژاردەكانی پارێزگاكانی كوردستان.
8. خولی بەردەوام بۆ ناوبژیوانانی كوردستان هەندێكیان كراوەو هەندێكیان لە ئایندە ئەنجام دەدرێت.
9. بۆ رێزگرتن و بەرزكردنەوەی ناوبژیوانان كۆمەڵێك ناوبژیوان ڕەوانەی وڵاتی سووریا دەكرێن.
10. ئامادەكاری بۆ بەشداری كردنی هەڵبژاردەكانی كوردستانی كوڕان و كچان لەمۆندیالی(ڤیڤا) كەلەوڵاتی سوید ئەنجام دەدرێت.
11. ئەنجامدانی خولی پلەسێ كە چل و دوو یانە بەشداری دەكات.
یەكێتی ناوەندی تۆپی پێی كوردستان شەورۆژ بەبێ ماندووبوون بەخۆشحاڵیەوە بەردەوامە لەچالاكیەكی و كاركردن بۆ داڕشتنی بناغەیەكی زانستی بۆ داهاتووی تۆپی پێی كوردستان،چالاكیەكان سەرجەم شارۆشارۆچكەكانی كوردستانی گرتۆتەوە لەخانەقین و كفری و هەڵەبجە و قەڵادزێ و دووزخورماتوو و كەركوك و ئاكرێ وزاخۆ.
هیواخوازو داواكارین حكومەت و سەرجەم دام و دەزگاكانی كوردستان بەرپرسانی هاوكاری و پشتگیری یەكێتی ناوەندی تۆپی پێی كوردستان بكەن بۆ ئەوەی لاوان و وەرزشوانانی كوردستان خاوەن بەهرە و وزەو بیروهۆشێكی زانستی بەهێزبن و بەتەواوی سەرقاڵی وەرزش بن دوورلە تەمەڵی و گازینو و چایخانەكان و بن دیوارەكان بن.
یەكێتی ناوەندی تۆپی پێی كوردستان سوپاس و پێزانین و خۆشەویستی زۆر پێشكەش بە سەرۆك و جێگرو ئەمینداری گشتی و سەرجەم ئەندامانی نووسینگەی راپەڕاندن و یەكەیەكەی كارمەندانی لێژنەی ئۆلۆمپی هەرێمی كوردستان دەكات بە پشتگیری و هاوكاری و یارمەتی بێ سنووری مادی و مەعنەوی یەكێتیەكەمان.
سوپاس و پێزانینی سەرجەم پیاوانی پۆلیسی شاروشارۆچكەكانی كوردستان دەكەین كە هاوكارمان بوون بۆ پارێزگاری و رێكخستنی یاریگاكان
سوپاسی كوردایەتی و نیشتیمان پەروەری بۆ دەزگاكانی راگەیاندنی بیستراو بینراو نووسراو و قەلەمە رەنگینەكان دەنێرین كە توانیان خولەكە بەجیهان و هەرێمی كوردستان و بەئەنجام و یاریزانان و یانەكانیان بەهەمووان ئاشنابكەن بەرەخنەكانیان دەوڵەمەندیان كردین.
دەستەی كارگێری و راهێنەران و یاریزانان و جەماوەری یانەكان و ناوبژیوانان و سەرپەرشتیاران و راگەیاندنكاران و پەیوەندارانی خولەكانی كوردستان دەستخۆشی و خۆشەویستی و رێزی زۆریان بۆ ڕەوانەدەكەین و سوپاسیان ئاڕاستەدەكەین.
ئەمەدەستپێك و سەرەتای زانستیانەو نەخشەداری خولەكانی كوردستانە كە دەبێتە بناغەی پتەوكۆنكریتی ئایندەی كوردستان
كە هیوادارین بەرپرسان تەواوی بودجەو پێداویستیەكانی یەكێتی تۆپی پێی كوردستان دەستەبەربكەن تا ئایندەی تۆپی پێی كوردستان پڕشنگادارو رووناك خەرمانەكەی پڕبێت لەئەنجام و دەستكەوت و یاریزان و راهێنەرو ناوبژیوانی بەتوانا و بەهرەدارو ئەستێرە.
تا بەهەمووان بتوانین كوردستان بەجیهان ئاشنابكەین و ئاڵا شەكاوەكەی هەردەم بەرزو بڵندبێت.
          سەرنووسەر