یەكێتی ناوەندی تۆپی پێی كوردستان كۆبوونەوەی ئاسایی خۆی گرێدا بەئامادەبوونی سەرۆك و سەرجەم ئەندامان رۆژی شەممە رێكەوتی 26/7/2008 ئەم بریارانەی خوارەوەی دەركرد:
1. رۆژی 7/7/2008 هەموو سالێك بەرۆژی تۆپی پێی كوردستان دادەنرێت بەهۆی بەشداریكردنی هەڵبژاردەی تۆپی پێی كوردستان لەجامی(VIVA)بۆ یەكەم جار لەمێژوو بەشێوەیەكی فەرمی .
2. رەزامەندی وەرگیرا بۆ بەشداریكردنی هەڵبژاردەی تۆپی پێی كوردستان لە پاڵەوانیەیەك كەلەووڵاتی ئێران ئەنجام دەدرێت لە 24/8/2008.
3. یەكێتی ناوەندی تۆپی پێی كوردستان بەفەرمی داوای سازدانی جامی (VIVA)سێیەم لەساڵی 2010 لەهەرێمی كوردستان میوانداری بكرێت.
4. نووسراوی ژمارە(909) لەرێكەوتی 7/7/2008 لێژنەی ئۆلۆمپی هەرێمی كوردستان بەدەستنیشانكردنی بەرێز(صبحی كامل) بەئەندامیەتی یەكێتی تۆپی پێی كوردستان لەجێگای بەرێز(فرزاد محەمەد عەلی).
لەگەڵ سوپاس و پێزانین بۆماندبوونی بەرێز فرزاد محەمەد عەلی كەلەكارەكانی لەماوەی رابردوو سەركەوتووانە ئەنجامداوە وە لەداهاتوو هیوای بەردەوامی هاوكاری و سەركەوتنی بۆ دەكەین وەبەخێرهاتنی بەرێز صبحی كامل دەكەین لەگەل هیوای كاری زۆرو سەركەوتوو.
5. بەهۆی هەڵس و كەوتی ناوەرزشی و هێرشكردنی یاریزانانی یانەی سێمێڵ لەیاری خولی لاوان لەگەڵ یانەی نەورۆز بۆ سەر دەستەی ناوبژیوانان ووتنی قسەی ناشرین و بێ دەنگی ئەندامانی یانەی سێمێڵ ئامادەبوو بڕیاردرا:
أ‌. دوورخستنەوەی یانەی سێمێڵ لەخولی لاوان 2 ساڵ.
ب‌. راگرتنی هەردوو یاریزان لەیاریكردن بۆ ماوەی یەك ساڵ لەماوەی دەرچوونی بڕیار
1. فرید محمد ژمارە(2)
2. رچوان عبدالجبار ژمارە(19)
6. راگرتنی یاریزانی تازەپێگەیشتووانی یانەی دهۆك(الیاس یوسف)ژمارە(10)تا كۆتایی خولی تازەپێگەیشتووان بەهۆی هەڵس و كەوتی دوورلەگیانی وەرزشی لەیاری یانەكەیان و یانەی سلێمانی.
7. راگرتنی یاریزانی یانەی پێشمەرگەی سلێمانی هەرێم تەها بۆ هەتا هەتایە لەیاریكردن بەهۆی خۆدۆزینەوەی لە شاندی هەڵبژاردەی كوردستان لەووڵاتی سوید كەبەشداربوو لەجامی (VIVA)ە.
8. هەڵوەشاندنەوەی دەستەی راهێنەرانی هەڵبژاردەی تۆپی پێی كوردستان.
9. هەریاریزانێك بانگێشت بكرێت بۆ هەڵبژاردەكانی تۆپی پێی كوردستان ئامادەنەبێت ئەوا سزادەدرێت و یانەكەشی بەپرسیار دەبێت.