یەكێتی ناوەندی تۆپی پێی كوردستان كۆبوونەوەی ئاسایی خۆی گرێدا بەئامادەبوونی سەرۆك و سەرجەم ئەندامان رۆژی دووشەممە رێكەوتی 9/8/2008 ئەم بریارانەی خوارەوەی دەركرد:

1. كۆبوونەوەی هونەری خولی پلە نایابەكانی كوردستان دواخرا بۆ رۆژی سێ شەممە رێكەوتی 19/8/2008 كاتژمێر(11)ی بەیانی لەهۆلی ئوتێل ئاڤیستا لەشاری هەولێر ئەنجام دەدرێت بەئامادەبوونی نوێنەری یانە كە پێویستە ئەندامی دەستەی كارگێری یانەبێت، لەهەمان كات و شوێن كۆبوونەوەی تایبەت بە راگەیاندنكاران ئەنجام دەدرێت.
2. ئاگاداری كۆتایی بۆ یانەی جیهان بۆ كۆنتڕۆڵ كردنی یاریزانان و جەماوەرەكەیان بەهۆی هەڵس و كەوتی دوور لەگیانی وەرزشی لەیاری یانەكەیان و یانەی هەولێر لەخولی لاوان بەرامبەر بە دەستەی ناوبژیوانان.
3. داوا لەسەرجەم یانە پلەنایابەكانی كوردستان دەكەین بەزووترین كات وێنەی تیپەكانی یەكەم و لاوان و تازەپێگەیشتووان رەوانەی یەكێتیەكەمان بكەن بەمەبەستی ئامادەكردنی نامیلكە(كراس).
4. راگرتنی سەرپەرشتیارانی یاری محەمەد سەعید نادر-عەبدولرەحیم حاجی-كاروان حمەفەرەج و ناوبژیوان نەوزاد ساڵح- ئەمیرداود- عومەر خەلەف- مەریوان محەمەد- كانەبی عەزیز- كاروان جەلاڵ- مەریوان جەعفەر- ئیبراهیم سەعید- لەبەرێوەبردنی یارییەكان تاكۆتایی خولی لاوان و تازەپێگەیشتوان بەهۆی كەمتەرخەمی گەیاندنی لیستی ناوبژیوانان و سەرپەرشتیارانی یاری بۆ یەكێتیەكەمان لەكاتی پێویست وگونجاو.
5. بانگهێشت كردنی بەرێزمەحمود نورەدین بەرپرسی لێژنەی ناوبژیوانانی كەركوك بەئامادەبوون لەبارەگای یەكێتیەكەمان لەكۆبوونەوەی داهاتوو.

یەكێتی ناوەندی تۆپی پێی

                                                                كوردستان