راپۆرتی هەفتانە

یەكێتی ناوەندی تۆپی پێی كوردستان كۆبوونەوەی ئاسایی خۆی گرێدا بەئامادەبوونی سەرۆك و سەرجەم ئەندامان رۆژی شەممە رێكەوتی 30/8/2008 ئەم بریارانەی خوارەوەی دەركرد:

1. پیرۆزبایی گەرم ئاراستەی دەستەی كارگێری یانەی وەرزشی هەولێر و راهێنەران و یاریزانان و تەواوی هاوادارانی تۆپی پێی كوردستان دەكەین بەبۆنەی وەدەستهێنانی پاڵەوانیەتی یانە بژاردەكانی عێراقی فیدرال بۆ وەرزی دووەم بەشایستەی ولێهاتوانە كە هیوادارین وەرجەرخانێكی گەورەبێت بۆ بزاڤی وەرزشی بەتایبەت تۆپی پێی كوردستان هیوادارین بەشایستەو لێهاتووەی نوێنەرایەتی كوردستان و عێراقی فیدراڵ بكەن لەپاڵەوانیەتی یانەكانی ئاسیا دووبارە پیرۆزە، وەپیرۆزبایی گەرم ئاراستەی یانەی دهۆك دەكەین بەبۆنەی گەیشتنی بەچوارگۆشەی زێرین و دەسكەوتە مەزنەكەی وە پیرۆزبایی گەرم ئاراستەی یانەی وەرزشی بروسك دەكەین بەبۆنەی وەدەستهێنانی پلەی دووەم لەپاڵەوانیەتی نێودەولەتی هەفتەی ووڵاتی كۆماری ئیسلامی ئێران بەبەشداری هەڵبژاردەكانی ئازەربایجانی غەربی ئێران و كۆماری ئازرەبایجان و كۆماری خود مختاری نەجوان و ئەزەروومی تركیا.

وە سوپاسی شارستانیەتی و نوێنەرایەتی یەكەیەكەی شاندەكە دەكەین كە بە شێوازێكی جوان و رێك نوێنەرایەتی هەڵبژاردەی تۆپی پێی كوردستانیان كرد دووبارە پیرۆزە

وەپیرۆزبایی گەرم ئارستەی یانەی وەرزشی نەورۆز دەكەین بەبۆنەی وەدەستهێنانی پاڵەوانیەتی فوتسالی یانە بژاردەكانی عێراقی فیدراڵ دووبارە پیرۆزە.

2. ئەنجامدانی خولی یانە پلەسێیەكانی كوردستان بەشێوازی گروپ بۆ هەرپارێزگایەكی كوردستان بە ئەنجامدانی یارییەكان بەئەنجامی دوو دۆران چوونە دەرەوە وە لقی تۆپی پێی پارێزگاكانی كوردستان راستەخۆ سەرپەرشتی خولەكەدەكەمن.
3. ا- رۆژی پێنجشەممە رێكەوتی 11/9/2008 یاری كۆتایی خولی یانەتازەپێگەیشتووەكانی كوردستان لەنێوان یانەی زاخۆ و یانەی هەولێر لەیاریگای زاخۆ ئەنجام دەدرێت.

ب. رۆژی هەینی رێكەوتی 12/9/2008 یاری كۆتایی خولەی یانەكانی كوردستانی لاوان لەنێوان هەولێرو یانەی ئاسۆ لەیاریگای شەهید فرەنسۆ ئەنجام دەدرێت.