یه‌كیَتى ناوه‌ندى تۆپى پیَى كوردستان رۆژى شه‌ممه‌ى ریَكه‌وتى 25/10/2008 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:
1. گه‌رمترین پیرۆزبایى ئارِاسته‌ى ده‌سته‌ى نویَى هه‌ڵبژیَردراوى لقه‌كانى یه‌كیَتى تۆپى پیَى پاریَزگاكان كوردستان ده‌كه‌ین,  به‌بۆنه‌ى وه‌رگرتنى به‌ پرسیاریه‌تیان له‌لقه‌كانیان هیواى سه‌ركه‌وتن و داواى هاریكارى و هه‌ماهه‌نگی به‌رده‌وامیان لیَده‌كه‌ین.
2. برِیار درا ته‌واوى یارییه‌كانى خولى سیَیه‌مى قۆناغى یه‌كه‌مى خولى لاوان و پیَشكه‌وتوان, رۆژى سىَ شه‌ممه‌ ریَكه‌وتى 28/10/2008 ئه‌نجام بدریَت, ئه‌ویش به‌هۆى ئه‌نجامدانى خولى نیَوده‌وڵه‌تى ناوبژیوانانى عیَراقى فیدرِال و كوردستان له‌ رۆژانى چوارشه‌ممه‌ وپیَنج شه‌ممه‌ى داهاتوو له‌شارى هه‌ولیَر, تا خوله‌كه‌ به‌ جوانترین شیَوه‌ گه‌وره‌ترین سوود بۆ داهاتووى تۆپى پیَى كوردستان بگه‌رِیَته‌وه‌.
3. برِیاردرا به‌ ریَگه‌دان به‌ زیاد كردنى (5) یاریزان بۆ سه‌رلیستى یاریزانانى لاوان به‌م جۆره‌ ژماره‌ى یاریزانان ده‌بیَت به‌(30).
4. به‌هۆى پابه‌ندنه‌بوونى به‌ریَوه‌به‌رى هونه‌رى یانه‌ى پیَرس ئه‌میر عه‌بدولعه‌زیز به‌ ریَنماییه‌كانى یه‌كیَتى ناوه‌ندى تۆپیى پیَى كوردستان و وتنى قسه‌ى ناشیرین و نابه‌جیَى به‌ ده‌سته‌ى ناوبژیوانانى یارى یانه‌كه‌ى و لاوانى یانه‌ى هه‌ندریَن له‌خولى لاواندا برِیاردرا:
ڕ‌. دوورخستنه‌وه‌ى به‌ریَوه‌به‌رى هونه‌رى یانه‌ى پیَرس ئه‌میر عه‌بدولعه‌زیز بۆ(3)یارى ئاماده‌نه‌بوونى له‌نیَو یاریگا بۆ(3) یارى لاوان و پیَشكه‌وتوان.
ب‌. ئاگاداركردنه‌وه‌ى كۆتایى به‌ ئه‌نجام نه‌دانى كارى له‌م شیَوه‌یه‌ له‌داهاتوودا.
5. ئاگادارى یانه‌ى ئالاَ ده‌كه‌ین منداڵى تایبه‌ت به‌ هیَنانه‌وه‌ى تۆپ له‌یارییه‌كانى داهاتوودا ئاماده‌بكات .
6. ئاگادارى یانه‌ى كه‌ركوك ده‌كه‌ین له‌یارییه‌كانى داهاتوو پیاوانى پۆلیس له‌ یاریگاكه‌یان ئاماده‌بكه‌ن .
7. ده‌ستنیشانكردنى چاودیَرانى ناوبژیوانان له‌ یارییه‌گرنگه‌كانى خولى نایاب .
8. ریَگادان به‌ سه‌رجه‌م یانه‌كانى خولى نایاب به‌ یارى پیَكردنى(2)یاریزانى ده‌ره‌وه‌ى هه‌ریَم به‌مه‌رجى په‌سه‌ندكردنى گریَبه‌سته‌كه‌یان له‌ یه‌كیَتى ناوه‌ندى تۆپى پیَى كوردستان جىَ به‌جىَ كردنى ئه‌م برِیاره‌ له‌دواى كۆتایى هاتنى خولى سیَیه‌مه‌وه‌ ده‌بیَت.
9. ده‌ستنیشانكردنى ده‌سته‌ى سه‌رپه‌رشتیاران و ناوبژیوانانى خولى سىَ یه‌مى قۆناغى یه‌كه‌مى لاوان و پیَشكه‌وتووانى خولى نایاب.