یه‌كیَتى ناوه‌ندى تۆپى پیَى كوردستان رۆژى شه‌ممه‌ى ریَكه‌وتى 8/11/2008 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:
1. سه‌رپه‌رشتیاران و ناوبژیوانانى ئاماده‌نه‌بوو له‌خولى زاخاوتن(ێقل) مافى به‌شدارى به‌ریَوه‌بردنى یارییه‌كانى خولى نایاب و لاوانیان تا كۆتایى هاتنى قۆناغى یه‌كه‌مى خولى نایاب نیه‌.
2. زیادكردنى ژماره‌ى یاریزانانى به‌شداربوو له‌ خولى نایاب بۆ(32)سى و دوو یاریزان به‌مه‌رجىَ یاریزانى ژماره‌(31-32) تایبه‌ت ده‌بیَت بن به‌ یاریزانانى ده‌ره‌وه‌ى هه‌ریَم.
3. به‌خیَرهیَنان و كۆبوونه‌وه‌ له‌گه‌ڵ شاندى ئه‌رژه‌نتینى به‌مه‌به‌ستى دامه‌زراندن و كارپیَكردنى قوتابخانه‌ى وه‌رزشى تۆپى پیَى ئه‌رژه‌نتینى كه‌ ئه‌ندامانى شانده‌كه‌ش پیَكهاتبوون له‌:- 
1. ئه‌لیَكس   سه‌رۆكى شاندى ئه‌رژه‌نتینى
2. دانى    نویَنه‌رى ریَكخراوى هاریكارى وه‌رزشى ئه‌مریكى
3. عومه‌ر كه‌ته‌لان   راهیَنه‌رى قوتابخانه‌ى تۆپى پیَى ئه‌رژه‌نتینى
4. رۆفائیَل   یاریده‌ده‌رى راهیَنه‌رى قوتابخانه‌ى تۆپى پیَى ئه‌رژه‌نتینى

4. راگرتنى یاریزانى لاوانى یانه‌ى پیَشمه‌رگه‌ى هه‌ولیَر ئومیَد محه‌مه‌د ژماره‌(17) بۆ چوار یارى داهاتووى یانه‌كه‌ى له‌خولى لاوان به‌هۆى هه‌ڵس و كه‌وتى دوور له‌گیانى وه‌رزشى و وتنى قسه‌ى ناشرین به‌ ناوبژیوانانى یارى نیَوان یانه‌كه‌یان و یانه‌ى نه‌ورۆز.
5. راگرتنى راهیَنه‌رى یانه‌ى ئالاَ( ته‌ها قادر) به‌ یاوه‌رى نه‌كردنى تیپه‌كه‌ى له‌یارى داهاتووى یانه‌كه‌ى به‌هۆى ووتنى قسه‌ى ناشیرین به‌ ناوبژیوانان له‌ یارى یانه‌كه‌یان له‌گه‌ڵ یانه‌ى هه‌ندریَن.
6. راگرتنى گۆڵچى یانه‌ى ئالاَ (عومه‌ر قادر) ژماره‌(1)بۆ یه‌ك یارى داهاتووى یانه‌كه‌ى به‌هۆى ووتنى قسه‌ى ناشیرین به‌ناوبژیوانان له‌یارى یانه‌كه‌یان له‌گه‌ڵ یانه‌ى هه‌ندیَن.
7. گواستنه‌وه‌ى ناوبژیوانى ناوه‌رِاست عه‌بدوڵلاَ عابد بۆ به‌ریَوه‌بردنى ته‌نها خولى لاوان تاكۆتایى هاتنى قۆناغى یه‌كه‌مى خولى نایاب به‌هۆى كۆنترۆڵ نه‌كردن و له‌ده‌ست ده‌رچوونى یارى نیَوان یانه‌ى ئالاَ و یانه‌ى هه‌ندریَن به‌ریَوه‌ى برد.
8. راگرتنى یاریده‌ده‌رى ناوبژیوان (قاسم نوره‌دین) بۆ دوویارى ئه‌ویش به‌هۆى كه‌مته‌رخه‌مى و جه‌خت نه‌كردنى له‌یارى نیَوان یانه‌ى سیَمیَڵ و یانه‌ى بروسك له‌خولى نایاب.
9. ده‌ستنیشانكردنى ده‌سته‌ى سه‌رپه‌رشتیاران و ناوبژیوانانى خولى پیَنجه‌مى قۆناغى یه‌كه‌مى خولى لاوان و پیَشكه‌وتووان.