یه‌كیَتى ناوه‌ندى تۆپى پیَى كوردستان رۆژى شه‌ممه‌ى ریَكه‌وتى 13/12/2008 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:
1. یه‌كیَتى تۆپى پیَى كوردستان كرده‌وه‌ تیرۆرستیه‌كه‌ى چیَشتخانه‌ى عه‌بدوڵلاَى شارى كه‌ركوك محكوم و ریسوا ده‌كات و تیرۆرستانى تاریكى نامۆ به‌شارستانیه‌ت روو ره‌ش ده‌كات و سه‌ره‌خۆشى له‌بناماڵه‌ى شه‌هیدان ده‌كات و له‌یه‌زدان ده‌پاریَینه‌وه‌ به‌به‌هه‌شت شادیان بكات و هیواى چاكبوونه‌وه‌ى زوو بۆ برینداران ده‌خوازین و داواكارین چینایه‌تكاران به‌سزاى ره‌وابگه‌ن دووباره‌ پرسه‌و سه‌ره‌خۆشى خۆمان ئاراسته‌ى بنه‌ماڵه‌ى شه‌هیدانى بىَ تاوان ده‌كه‌ین.
2. داواكارین له‌سه‌رجه‌م دانیشتوانى شویَنى یه‌ده‌گ له‌یارییه‌كانى خولى كوردستان كه‌به‌هیچ شیَوه‌یه‌ك له‌شویَنى دانیشتن نه‌چنه‌ده‌ره‌وه‌ ته‌نیا ریَگاپیَدراوان نه‌بیَت گه‌رنا سه‌رپیَچى كاران سزا ده‌دریَن.
3. به‌هۆى رووداوه‌كانى دوور له‌گیانى وه‌رزشى له‌یارى نیَوان یانه‌ى سلیَمانى و یانه‌ى نه‌ورۆز له‌خولى لاوان برِیاردرا:
1. سوپاس و پیَزانین بۆ سه‌رپه‌رشتیارى تیپى تۆپى پیَى لاوانى نه‌ورۆز به‌ریَز(هیَرش كه‌مال) ده‌كه‌ین به‌هۆى هه‌ڵسوكه‌وتى جوامیَرانه‌ى به‌رامبه‌ر سه‌رپه‌رشتیارو ده‌سته‌ى ناوبژیوانانى یارییه‌كه‌.
2.راگرتنى راهیَنه‌رى تیپى لاوانى یانه‌ى نه‌ورۆز (كامل جه‌لال) به‌یاوه‌رى نه‌كردنى تیپه‌كه‌ى بۆ یه‌ك یارى دهاتوو.
3. راگرتنى یاریزانانى یانه‌ى نه‌ورۆز(شڤان مه‌جید عه‌بدڵلاَ و كۆسار جه‌مال نه‌جیب) تاكۆتایى خولى لاوان به‌هۆى هه‌ڵس و كه‌وتى دوور له‌گیانى وه‌رزشى ووتنى قسه‌ى ناشیرین و هیَرشكردنه‌سه‌ریان .
4. راگرتنى یاریزان (هه‌وره‌مان عه‌بدوله‌تیف ئه‌حمه‌د) بۆ دوویارى داهاتوو له‌گه‌ڵ سزاى كارتى سوور به‌هۆى هه‌لس و كه‌وتى دوور له‌گیانى وه‌رزشى.
4. ده‌ستنیشانكردنى ده‌سته‌ى سه‌رپه‌رشتیاران و ناوبژیوانانى خولى ده‌یه‌مى نایابى كوردستان بۆ لاوان و پیَشكه‌وتووان.