یه‌كیَتى ناوه‌ندى تۆپى پیَى كوردستان رۆژى شه‌ممه‌ى ریَكه‌وتى 17/1/2009 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:
رۆژى شه‌ممه‌ ریَكه‌وتى 17/1/2009 له‌ هه‌ولیَر پایته‌خت له‌هۆڵى چالاكى وه‌رزشى و دیَده‌وانى په‌روه‌رده‌ى هه‌ولیَر كاتژمیَر(11)ى به‌یانى كۆبوونه‌وه‌ى هونه‌رى و راكیَشانى تیروپشكى یانه‌پله‌یه‌كه‌كانى كوردستان به‌ ئاماده‌بوونى نویَنه‌رانى (20) یانه‌ى به‌شداربوو وده‌زگاكانى راگه‌یاندن ئه‌نجامدرا.
كۆبوونه‌وه‌كه‌ به‌ووته‌ى سه‌رۆكى یه‌كیَتى ناوه‌ندى تۆپى پیَ كوردستان دواترجیَگروسكرتیَرو ئه‌ندامانى ده‌ستى پیَكردو دواى گفتوگۆو پیَشنیار و ریَنماییه‌كان وچه‌ندین راو سه‌رنج بۆ سه‌ركه‌وتن و گرنگیدان به‌خولى پله‌یه‌كى یانه‌كانى كوردستان, یانه‌كانیش دابه‌شكران به‌سه‌ر دووگروپ هه‌رگروپه‌و بۆ(10)یانه‌, و ئه‌نجامدانى خوله‌كه‌ش به‌ شیَوازى خول به‌یه‌ك قۆناغ ئینجا یه‌كه‌م و دووه‌مى هه‌رگروپیَك سه‌رده‌كه‌ون بۆ چوارگۆشه‌ى زیَرین و یه‌كه‌مى گروپى یه‌كه‌م له‌گه‌ڵ دووه‌مى گروپى دووه‌م و یه‌كه‌مى گروپى دووه‌م له‌گه‌ڵ دووه‌مى گروپى یه‌كه‌م به‌ یارى هاتن و چوون یارى ده‌كه‌ن له‌ ئه‌نجامى هه‌ردوویارى دوو یانه‌ سه‌رده‌كه‌ویَت بۆ خولى یانه‌پله‌نایابه‌كان بۆ وه‌رزى 2009-2010 ,له‌ هه‌رگروپیَك سىَ یانه‌ داده‌به‌زیَت بۆ خولى پله‌دوو.
2. به‌هیچ شیَوه‌یه‌ك له‌ قۆناغى خولى دووه‌مى خولى نایاب و سه‌رجه‌م خوله‌كانى كوردستان ریَگانادریَت یاریزان یارى بكات گه‌ردریَسه‌كه‌ى ژماره‌كه‌ به‌له‌زگه‌ بیَت یاخود به‌په‌رۆ دوورابیَت.
3. سه‌رجه‌م یارییه‌كانى خولى تازه‌پیَگه‌یشتووانى یانه‌پله‌نایابه‌كان رۆژانى هه‌ینى ئه‌نجام ده‌دریَت.
4. له‌دواى قۆناغى دووه‌مى خولى نایاب و سه‌رجه‌م خوله‌كانى كوردستان یاریزان به‌سىَ كارتى زه‌رد له‌یارى داهاتووى یانه‌كه‌ى یارى ناكات و له‌گه‌ڵ غه‌رامه‌كردنى به‌برِه‌ پاره‌ى(50000)په‌نجا هه‌زار دینار.
5. ئاهه‌نگى ریَزلیَنان و خه‌لاَتكردنى یانه‌ سه‌ركه‌وتووه‌كانى خولى لاوانى كوردستان رۆژى دووشه‌ممه‌ ریَكه‌وتى 26/1/2009 كاتژمیَر(3)ى دوایى نیوه‌رۆله‌هۆڵى كتیَبخانه‌ى گشتى هه‌ولیَر- زه‌یتون له‌سه‌ر ریَگاى گشتى موسل پاركى شه‌هید سامى عبدولرِه‌حمان, به‌ئاماده‌بوونى نویَنه‌رانى یانه‌پله‌نایابه‌كان و سه‌رپه‌رشتیارو راهیَنه‌رانى تیپى تازه‌پیَگه‌یشتووانى یانه‌نایابه‌كانى كوردستان له‌مه‌رِاسیمیَكى شایسته‌دا ئه‌نجام ده‌دریَت .
6. ئاگادارى یاریزانانى تیپى پیَشكه‌وتووانى یانه‌ى پیَرس ده‌كه‌ین بۆ جارى كۆتایى كه‌ ریَز له‌سه‌رپه‌رشتیارو ناوبژیوانانى خولى لاوانى كوردستان بگرن گه‌رنا دووچارى سزاى توندترده‌بن.
7. غه‌رامه‌كردنى یانه‌ى هه‌ولیَر به‌برِه‌ پاره‌ى(250000)دووسه‌دوپه‌نجا هه‌زاردینار به‌هۆى ئاماده‌نه‌بوونى پیاوانى پۆلیس له‌یارى نیَوان یانه‌كه‌یان و یانه‌ى پیَرس له‌خولى چوارده‌هه‌م و ئاگادارى كۆتایى.
8. راگرتنى یاریزانى یانه‌ى كه‌ركوك(محه‌مه‌د به‌هجه‌ت) ژماره‌(27)بۆ یه‌ك یارى له‌گه‌ڵ سزاى كارته‌ سووره‌كه‌ى به‌هۆى ده‌رچوونى له‌گیانى وه‌رزشى و ووتنى قسه‌ى ناشیرین به‌ده‌سته‌ى ناوبژیوانان له‌یارى نیَوان یانه‌كه‌یان و یانه‌ى سیروانى نوىَ له‌خولى نایاب.
9. ده‌ستنیشانكردنى ده‌سته‌ى سه‌رپه‌رشتیارو ناوبژیوانانى خولى پازده‌هه‌مى قۆناغى یه‌كه‌مى خولى لاوان و پیَشكه‌وتووان.
یه‌كیَتى ناوه‌ندى تۆپى پیَى كوردستان