یه‌كیَتى ناوه‌ندى تۆپى پیَى كوردستان رۆژى پیَنج شه‌ممه‌ ریَكه‌وتى 5/2/2009 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:

1. په‌سه‌ندكردنى ئه‌نجامى خولى رِاهیَنه‌رایه‌تى نیَوده‌وڵه‌تى بۆ رِاهیَنه‌رانى كوردستان كه‌ به‌سه‌رپه‌رشتى راهیَنه‌رانى وولاَتى ئه‌رژه‌نتینى و ئۆرغوایى له‌دریَژه‌ى چالاكیه‌كانى ریَكخراوى هاریكارى وه‌رزشى جیهان ئه‌مریكى ئه‌نجام دراوه‌.
1. لیخاندرۆ باكیر- الیكس- نویَنه‌رى سپۆرتى ئه‌رژه‌نتینى.
2. رفائیل كندا – نویَنه‌رى ریَكخراوى هاریكارى جیهانى ئه‌مریكى.
3. فابیان ربرڤسین- راهیَنه‌رى ریفربلیت ئه‌رژه‌نتینى.
4. انیال خمینیز- راهیَنه‌رى كۆڵچیه‌كان- ئۆرغوایى.
5. دانیال نوریكا – هامه‌هه‌نكاریى شاندى – ئه‌رژه‌نتینى.
6. عومه‌ر كه‌ته‌لان- رِاهیَنه‌رى قوتابخانه‌ى ئه‌رژه‌نتینى له‌كوردستان.
7. الیخاندرۆ پوچوه‌ یاریده‌ده‌رى راهیَنه‌رى قوتابخانه‌ى ئه‌رژه‌نتینى له‌كوردستان.
كه‌ ژماره‌یان(55)راهیَنه‌رو راهیَنه‌رى كۆڵچیه‌كان.
2. دانیشتنى له‌گه‌ڵ لیَژنه‌ى ناوه‌ندى ناوبژیوانانى كوردستان كه‌ پیَكهاتووه‌ له‌به‌رِیَزان:
1. سه‌عدى غه‌ریب- سه‌رۆك
2. مه‌حمود نوره‌دین – ئه‌ندام
3. سیروان سه‌لمان – ئه‌ندام
4. ئه‌رسه‌لان قادر- ئه‌ندام
  دوایى پیرۆزبایى بۆ ده‌ستبه‌كاربوونیان هیواى سه‌ركه‌وتن و كارى جوان و هۆكارى سه‌ركه‌وتنى خوله‌كانى كوردستان بن ئینجا چه‌ندین پیَشنیار پیَشكه‌ش كرا هه‌مووان ره‌زامه‌ندى له‌سه‌ركرا.
3. پیَویسته‌ شویَنى دانیشتنى راگه‌یاندكارانى سه‌رپه‌رشتیار جیا بیَت له‌گه‌ڵ ناوبژیوانانى چواره‌م و سه‌رپه‌رشتیارى یارى له‌یارییه‌كانى خولى نایاب.
4. به‌هیچ شیَوه‌یه‌ك نابیَت سه‌رپه‌رشتیارو ناوبژیوانان سه‌فه‌ر له‌گه‌ڵ شاندى تیپه‌كان بكه‌ن.
5. ره‌زامه‌ندى له‌سه‌ر كردنه‌وه‌ى خوڵیَكى ناوبژیزانیه‌تى سه‌ره‌تایى بۆ شارى دهۆك.
6. سوپاس و پیَزانین بۆ سه‌رۆك و ئه‌ندامانى لیَژنه‌ى ناوبژیوانانى شاره‌كانى كوردستان كه‌ به‌ سه‌ركه‌وتوویى ئه‌نجام دا تاقیكردنه‌وه‌ى جه‌سته‌یى و تیۆرى بۆ ناوبژیوانانى شاره‌كانى كوردستان.
7. یه‌كیَتیه‌كه‌مان باوه‌رِ به‌ ده‌ستنیشانكردنى باشه‌كانى تۆپى پیَى كوردستان له‌لایه‌ن وه‌زاره‌تى وه‌رزش و لاوان ناكات.
8. راگرتنى راهیَنه‌رى كۆڵچیه‌كانى یانه‌ى زاخۆ به‌هۆى ریَز نه‌گرتن له‌خولى راهیَنه‌رانى گۆڵچیه‌كان له‌دواین رۆژ.