شه‌ممه‌ یه‌كیَتى ناوه‌ندى تۆپى پیَى كوردستان به‌ ئاماده‌بوونى سه‌رۆك و سه‌رجه‌م ئه‌ندمانى له‌شارى كه‌ركوك كۆبوونه‌وه‌ى ئاسایى خۆى گریَدا

یه‌كیَتى ناوه‌ندى تۆپى پیَى كوردستان كۆبوونه‌وه‌ى ئاسایى خۆى له‌ شارى كه‌ركوكى خۆشه‌ویست گریَدا به‌ئاماده‌بوونى سه‌رۆك و سه‌رجه‌م ئه‌ندامان رۆژى شه‌ممه‌ ریَكه‌وتى 28/3/2009 له‌ باره‌گاى نویَنه‌رایه‌تى لیژنه‌ى ئۆلۆمپى هه‌ریَمى كوردستان له‌كه‌ركوك ئه‌م برِیارانه‌ى خواره‌وه‌ى ده‌ركرد:
یه‌كه‌م :- به‌ریَز نه‌وزاد قادر سه‌رۆكى نویَنه‌رایه‌تى لیژنه‌ى ئۆلۆمپى هه‌ریَمى كوردستان له‌ كه‌ركوك سه‌رۆكى لقى تۆپى پیَى كه‌ركوك سه‌رجه‌م ئه‌ندامانى نویَنه‌رایه‌تى و لقى تۆپى پیَى كه‌ركوك كۆبوونه‌وه‌كه‌ به‌ ووته‌ى به‌ریَز نه‌وزاد قادر ده‌ستى پیَكرد كه‌ به‌خیَرهاتنیَكى گه‌رمى سه‌رۆك و ئه‌ندامانى یه‌كیَتى تۆپى پیَ كوردستانى كردو ئه‌و ده‌ستپیَشخه‌رییه‌ى به‌گرنگ وه‌سف كردو كه‌پشتگیریه‌كى گه‌وره‌یه‌ بۆ بزاڤى وه‌رزشى كه‌ركوك و تۆپى پیَى شاره‌كه‌ به‌تایبه‌تى ئینجا به‌ریَز سه‌فین كانه‌بى سوپاسى میواندارى گه‌رمى كرد هه‌موو پشتگیرىو هه‌وكارییه‌كى یه‌كیَتى تۆپى پیَى بۆ روونكرده‌وه‌ سوپاسى ده‌زگاكانى راگه‌یاندن و راگه‌یاندكارانى شارى كه‌ركوكى كرد ئینجا نویَنه‌رانى راگه‌یاندكارانى شارى كه‌ركوك سوپاسى یه‌كیَتى تۆپى پیَى كوردستانیان كردوو و چالاكیه‌كانى یه‌كیَتى تۆپى پیَى كوردستانیان بۆ پیَشكه‌وتنى تۆپى پیَ له‌ كوردستان به‌رزنرخاند
دووه‌م : پیاداچوونه‌وه‌ به‌ برِیاره‌كانى پیَشوو.
سىَ یه‌م : پۆستى هاتوو
چواره‌م: برِیاره‌كان
1. هه‌ریانه‌یه‌ك سكالاَ یا ناره‌زایى پیَشكه‌ش به‌ یه‌كیَتى تۆپى پیَى كوردستان بكات برِى (300000)سىَ سه‌دهه‌زار دیناره‌ كه‌ ناگه‌ریَته‌وه‌ گه‌ر ناره‌زاییه‌كه‌ دروست بیَت یا نادروست.
2. ره‌تكردنه‌وه‌ى ساكالاَى یانه‌ى وه‌رزشى سلیَمانى له‌سه‌ر یانه‌ى نه‌ورۆز له‌خولى تازه‌پیَگه‌یشتووان له‌سه‌ر یاریزان (مه‌سعود محه‌مه‌د)دوایى لیَكۆلینه‌وه‌ى وورد له‌سه‌ر ناسنامه‌و وه‌رگرتنى ته‌مه‌نى له‌ قوتابخانه‌كه‌ى له‌دروستى ته‌مه‌نى یاریزانى ناوبراو.
3. یارى دواخراوى نیَوان یانه‌ى نه‌ورۆز و یانه‌ى پیَشمه‌رگه‌ى هه‌ولیَر له‌خولى تازه‌پیَگه‌یشتووان رۆژى شه‌ممه‌ ریَكه‌وتى 31/3/2009 كاتژمیَر(1,30) ئه‌نجام ده‌ردیَت.
4. بریاردرا سه‌رپه‌رشتیارانى راگه‌یاندنى خولى نایاب جیَگۆركىَ له‌نیَوان شاره‌كانى كوردستانیان له‌ یارییه‌كانى داهاتوو پیَبكریَت.
5. راگرتنى ناوبژیوان ناجى حه‌سه‌ن بۆ سىَ یارى به‌هۆى كه‌م ته‌رخه‌مى له‌به‌رِیَوه‌بردنى یارى نیَوان یانه‌ى پیَرس و یانه‌ى سیروانى نوىَ له‌خولى تازه‌پیَگه‌یشتووان.
6. راگرتنى ناوبژیوان (محه‌مه‌د ره‌حیم)بۆ دوو یارى به‌هۆى ئاماده‌نه‌بوون له‌یارى نیَوان یانه‌ى به‌ختیارى و ده‌ربه‌ندیخان له‌خولى پله‌یه‌ك.
7. ئاگادارى كۆتایى بۆ یانه‌ى برایه‌تى به‌ ریَكخستن و دیاریكردن و كۆنترِۆل كردنى یاریگا له‌ یارییه‌كانى داهاتوویان له‌گه‌ڵ غه‌رامه‌كردنى به‌برِى (250000)دووسه‌دو په‌نجاهه‌زار دینار به‌هۆى ئاماده‌نه‌بوونى پیاوانى پۆلیس له‌ یارییه‌كه‌یان له‌گه‌ڵ یانه‌ى خه‌بات له‌ یاریگاى ئاسۆ.
8. راگرتنى گۆڵچى یانه‌ى ئالاَ(عومه‌ر قادر عومه‌ر)ژماره‌ (1)بۆ سىَ یارى به‌هۆى ره‌وشتى ناشرین و ووتنى قسه‌ى ناشرین به‌ناوبژیوانانى یارى نیَوان یانه‌كه‌یان و یانه‌ى پیَشمه‌رگه‌ى هه‌ولیَر وه‌ غه‌رامه‌كردنى به‌برِى (150000)سه‌دوو په‌نجا هه‌زار دینار.
9. راگرتنى راهیَنه‌رى گۆڵچیه‌كانى یانه‌ى هه‌ولیَر (عه‌بدولخالیق مه‌حمود) و به‌ یاوه‌رى نه‌كردنى تیپه‌كه‌ى بۆ سىَ یارى داهاتوو به‌هۆى هه‌ره‌شه‌كردن و ووتنى قسه‌ى ناشیرین به‌ناوبژیوانانى یارى نیَوان یانه‌كه‌یان و یانه‌ى بروسك له‌خولى نایاب له‌گه‌ڵ غه‌رامه‌كردنى راهیَنه‌رى گۆلچیه‌كانى یانه‌ى هه‌ولیَر(عه‌بدولخالیق مه‌حمود) به‌برِى (250000)دووسه‌دو په‌نجا هه‌زار دینار.
10. ئاگادارى كۆتایى بۆ یانه‌ى سیَمیَڵ به‌ كۆنترۆل كردنى یاریگاكه‌یان گه‌رنا یارییه‌كانیان ده‌گوازریَته‌وه‌ ده‌ره‌وه‌ى یاریگایان.
11. ده‌ستنیشانكردنى ده‌سته‌ى سه‌رپه‌رشتیاران و ناوبژیوانانى خوله‌كانى نایاب و پله‌یه‌ك و تازه‌پیَگه‌یشتووان.