یه‌كیَتى ناوه‌ندى تۆپى پیَى كوردستان رۆژى شه‌ممه‌ ریَكه‌وتى 22/3/2009 كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى گریَدا و تیایدا ئه‌م بریارانه‌ى خواره‌وه‌ى ده‌ركرد:
1. نوسراوى یانه‌ى دینارته‌ ژماره‌ تایبه‌ت له‌ ریَكه‌وتى 17/3/2009 كه‌ داواى كیَشانه‌وه‌ له‌ خولى پله‌یه‌ك ده‌كات به‌هۆى گرفتى زۆرى دارایى و هونه‌رى له‌گه‌ڵ ره‌زامه‌ندى ته‌واویان بۆ هه‌ربرِیاریَك برِیاردرا:
ڕ‌. قه‌بوڵ كردنى داواكاریه‌كه‌یان به‌ ئاماده‌نه‌بوون له‌ یارییه‌كانى داهاتوو.
ب‌. هه‌ژماركردنى سه‌رجه‌م ئه‌نجامه‌كانى داهاتوویان به‌ ئه‌نجامى (3- سفر) بۆ یانه‌ى به‌رامبه‌ر.
2. دوایى لیَكۆلینه‌وه‌ له‌سه‌رناره‌زایى یانه‌ى هه‌ولیَر له‌سه‌ر یانه‌ى پیَشمه‌رگه‌ى هه‌ولیَر له‌خولى تلزه‌پیَگه‌یشتووان كه‌ یاریزان غازى شه‌وكه‌ت یارى له‌خولى لاوان بۆ یانه‌ى ئارارات كردووه‌, ئینجا له‌ تازه‌پیَگه‌یشتووان یارى بۆ یانه‌ى پیَشمه‌رگه‌ى هه‌ولیَر كردووه‌ كه‌ پیَچه‌وانه‌ى ریَنماییه‌كانه‌ بۆیه‌ برِیاردرا:
ڕ‌. هه‌ژماركردنى ئه‌نجامى یارى بۆ یانه‌ى هه‌ولیَر(3- سفر).
ب‌. راگرتنى راهیَنه‌رى تیپى تازه‌پیَگه‌یشتووانى پیَشمه‌رگه‌ى هه‌ولیَر تاریق تۆفیق بۆ ماوه‌ى ساڵیَك له‌ ریَكه‌وتى 22/3/2009 تا 22/3/2010 به‌ هۆى هه‌ڵس و كه‌وتى ناشرین و دوور له‌گیانى وه‌رزشى و جویَندان بۆ چه‌ندین یارى یه‌ك له‌دواى یه‌ك و ئینجا بانگهیَشت كردنى بۆ باره‌گاى یه‌كیَتیه‌كه‌مان به‌ ڵیَندان به‌لاَم سوودى نه‌بوو وه‌ده‌رچوونى له‌ ریَنماییه‌كان.
ج. غه‌رامه‌كردنى یانه‌ى پیَشمه‌رگه‌ى هه‌ولیَر به‌برِى (500000)پیَنج سه‌د هه‌زار دینار.
3. له‌سه‌ر ناره‌زایى یانه‌ى هه‌ندریَن له‌سه‌ر یانه‌ى كه‌ركوك له‌خولى تازه‌پیَگه‌یشتووان له‌سه‌ر چه‌ندین یاریزانى ته‌مه‌ن ناته‌واو برِیاردرا به‌ لیَكۆلینه‌وه‌ و بانگهیَشت كردنى یاریزانان له‌گه‌ڵ ناسنامه‌كانیان بۆ باره‌گاى یه‌كیَتیه‌كه‌مان رۆژى سىَ شه‌ممه‌ ریَكه‌وتى 24/3/2009 .
4. راگرتنى یاریزانى تیپى تازه‌پیَگه‌یشتووانى پیَشمه‌رگه‌ى سلیَمانى هاوبه‌ش عومه‌ر سه‌عید ژماره‌(10) بۆ دوویارى له‌گه‌ڵ سزاى كارته‌ سووره‌كه‌ى به‌هۆى ووتنى قسه‌ى ناشرین و دوورله‌ گیانى وه‌رزشى به‌رامبه‌ر به‌ده‌سته‌ى ناوبژیوانانى یارى نیَوان یانه‌كه‌یان و یانه‌ى سلیَمانى له‌خولى تازه‌پیَگه‌یشتووان.
5. راگرتنى یاریزانى یانه‌ى كۆیه‌ هیَرش عه‌بدولره‌زاق ژماره‌(24)تا كۆتایى خولى پله‌یه‌ك به‌هۆى ده‌رچوونى له‌گیانى وه‌رزشى و جنیَودان به‌ ده‌سته‌ى ناوبژیوانان له‌ یارى یانه‌كه‌یان له‌گه‌ڵ یانه‌ى سىَ چرا.
6. ئاگادارى كۆتایى بۆ یانه‌ى هاوكارى دووز به‌ ریَكخستن و كۆنترِۆڵ كرده‌نى جه‌ماوه‌ر و یاریزانان له‌ یارییه‌كانیان.
7. راگرتنى یاریده‌ده‌رى كارگیَرى یانه‌ى نه‌ورۆز توانا جه‌مال بۆ دوو یارى له‌گه‌ڵ غه‌رامه‌كردنى به‌برِى (150000)سه‌دو په‌نجا هه‌زار دینار به‌هۆى نانه‌وه‌ى گرفت له‌گه‌ڵ ئه‌ندامانى تیپى میواندار له‌یارى یانه‌كه‌یان له‌گه‌ڵ یانه‌ى دهۆك له‌خولى نایاب.
8. راگرتنى یاریزانى یانه‌ى پیَرس غه‌زوان محه‌مه‌د حاجى ژماره‌(28) بۆ دوو یارى له‌گه‌ڵ سزاى كارته‌ سووره‌كه‌ى و غه‌رامه‌كردنى به‌ برِه‌ پاره‌ى (150000)سه‌دو په‌نجاهه‌زار دینار به‌هۆى ووتنى قسه‌ى ناشیرین به‌ ده‌سته‌ى ناوبژیوانانى یارى نیَوان یانه‌كه‌یان و یانه‌ى بروسك له‌خولى نایاب.
9. ده‌ستنیشانكردنى ده‌سته‌ى سه‌رپه‌رشتیاران و ناوبژیوانانى خوله‌كانى نایاب و پله‌یه‌ك   و تازه‌پیَگه‌یشتووان.
                    
 سه‌رۆكى یه‌كیَتى ناوه‌ندى تۆپى پیَى كوردستان