یه‌كیَتى ناوه‌ندى تۆپى پیَى كوردستان كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامان رۆژى شه‌ممه‌ ریَكه‌وتى 9/5/2009 گریَدا ئه‌م برِیارانه‌ى خواره‌وه‌ى ده‌ركرد:
1.په‌سه‌ندكردنى برِیارى یانه‌ى سیروانى نوىَ به‌سرِكردنى یاریزان(عیماد خه‌له‌ف زیَدان) بۆماوه‌ى یه‌ك ساڵ به‌هۆى پابه‌ندنه‌بوون به‌ ریَنمایى و برِیاره‌كانى یانه‌كه‌یان به‌ نووسراوى ژماره‌ (483) له‌ 28/4/2009 ئارِاسته‌ى یه‌كیَتیه‌كه‌مان كراوه‌.
2.راگرتنى رِاهیَنه‌رى یانه‌ى كه‌ركوك داره‌وان قادر به‌ یاوه‌رى نه‌كردنى تیپه‌كه‌ى له‌ یارى داهاتوو به‌هۆى ده‌رچوونى له‌گیانى وه‌رزشى له‌ یارى نیَوان یانه‌كه‌یان و یانه‌ى زاخۆ به‌رامبه‌ر به‌ ناوبژیوان له‌گه‌ڵ غه‌رامه‌كردنى به‌برِى (150000)سه‌دو په‌نجاهه‌زار دینار.
3.راگرتنى یاریزانى یانه‌ى سیَمیَڵ (به‌هدین نایف) ژماره‌ (5)بۆ ماوه‌ى یه‌ك ساڵ له‌به‌روارى ده‌رچوونى برِیاره‌كه‌ به‌ هۆى هیَرش كردنه‌ سه‌ر ناوبژیوانى یارى نیَوان یانه‌كه‌یان و یانه‌ى ئالاَ, له‌گه‌ڵ غه‌رامه‌كردنى یانه‌كه‌یان به‌ برِى (1,000,000)یه‌ك ملیۆن دینار.