یه‌كیَتى ناوه‌ندى تۆپى پیَى كوردستان كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامان رۆژى شه‌ممه‌ ریَكه‌وتى 2/5/2009 گریَدا ئه‌م برِیارانه‌ى خواره‌وه‌ى ده‌ركرد:
1.به‌ریَزان نویَنه‌رى لقه‌كانى تۆپى پیَى پاریَزگاكانى كوردستان ئاماده‌یى كۆبوونه‌وه‌كه‌بوون به‌مه‌به‌ستى ئاگاداربوون له‌ره‌وشى تۆپى پیَى كوردستان و چۆنیه‌تى ئاماده‌كارى بۆ وه‌رزى داهاتوو وه‌ داواكرا له‌لقه‌كان له‌پشووى هاوینه‌ گرنگى به‌خوله‌كانى بچه‌كه‌شیَران و تازه‌پیَگه‌یشتووان و لاوان بده‌ن.
2.به‌شیَكى دیكه‌ى كۆبوونه‌وه‌كه‌ له‌گه‌ڵ نویَنه‌رانى یانه‌پله‌یه‌كه‌كانى وه‌رزى 2008-2009 ئه‌نجامدرا به‌مه‌به‌ستى وه‌رگرتنى برِى هاوكارى حكومه‌تى هه‌ریَمى كوردستان كه‌ تایبه‌ت بوو به‌كریَى هاتووچۆ و خواردنى یارییه‌كانى یانه‌كان كه‌ له‌ده‌ره‌وه‌ى یاریگاكانیان ئه‌نجام درابوو.
ئینجا باسى چۆنیه‌تى ئه‌نجامدانى خولى وه‌رزى 2009-2010 ى یانه‌پله‌یه‌كه‌كانى كوردستان كرا, ئاماده‌بووان برِیارى كۆتاییان بۆ یه‌كیَتى ناوه‌ندى تۆپى پیَى كورستان جیَهیَشت له‌ سیسته‌مى به‌رِیَوه‌بردنى خوله‌كه‌.
3.برِیاردرا ئاماده‌كارى ته‌واو بكریَت بۆ ئه‌نجامدانى كۆنفرانسى تۆپى پیَى كوردستان له‌ ئاینده‌یه‌كى نزیك ببه‌ستریَت به‌ ئاماده‌بوونى سه‌رجه‌م په‌یوه‌ندیدارانى تۆپى پیَى كوردستان تا به‌جوانترین شیَوه‌ خول و چالاكیه‌كانى تۆپى پیَى كوردستان له‌ داهاتوو ئه‌نجام بدریَت و كه‌م و كورِییه‌كان ده‌ستنیشان بكریَت و په‌ره‌ به‌ لایه‌نه‌ باشه‌كان بدریَت.
4.ته‌مه‌نى یاریزانانى خولى تازه‌پیَگه‌یشتووان و لاوانى وه‌رزى 2009 – 2010 به‌م شیَوه‌یه‌ى خواره‌وه‌ ده‌بیَت:
ا‌.ته‌مه‌نى یاریزانانى خولى لاوان له‌ دایكبووى 1991 – 1992 ده‌بیَت.
ب‌.ته‌مه‌نى یاریزانانى خولى تازه‌پیَگه‌یشتووان 1993 بۆ سه‌ره‌وه‌.