یه‌كیَتى ناوه‌ندى تۆپى پیَى كوردستان كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامان رۆژى هه‌ینى ریَكه‌وتى 15/5/2009 گریَدا ئه‌م برِیارانه‌ى خواره‌وه‌ى ده‌ركرد:
1. برِیاردرا ریَوره‌سمى ریَزلیَنان و خه‌لاَتكردنى یانه‌پیَشه‌نگه‌كان و باشترین یاریزان و گۆڵچى و گۆڵكارى خولى نایابى كوردستان رۆژى هه‌ینى داهاتوو كاتژمیَر(7,00)ى ئیَواره‌ ریَكه‌وتى 22/5/2009 له‌باخچه‌و ریستورانتى یانه‌ى هه‌ولیَر له‌ یاریگاى شه‌هید فره‌نسۆ هه‌ریرى به‌ریَوه‌بچیَت.
2. برِیاردرا به‌ ده‌ستنیشانكردنى راهیَنه‌رانى هه‌ڵبژارده‌ى تۆپى پیَى كوردستان بۆ به‌شداریكردن له‌ پاڵه‌وانیه‌تى تۆپى پیَى هه‌ریَمایه‌تى جیهانى جامى (VIVA) كه‌ له‌ماوه‌ى نیَوان 22/6 تا 27/6/2009 له‌ شارى میلانۆى ولاَتى ئیتاڵیا به‌رِیَوه‌ده‌چیَت, راهیَنه‌ره‌ ده‌ستنیشانكراوه‌كانیش ئه‌مانه‌ن
1. عیماد قادر (راهیَنه‌ر)
2. دڵشاد مه‌عروف (ى. راهیَنه‌ر)
3. رزگار عه‌لى (ى. راهیَنه‌ر)
شایانى باسه‌ له‌م پاڵه‌وانیه‌تیه‌ (6)هه‌ڵبژارده‌ به‌شدارى ده‌كه‌ن و بۆ (2) گروپ به‌م شیَوه‌ دابه‌شكراون:
گروپى یه‌كه‌م : بادانیا – كوردستان – ئۆكیتانیا
گروپى دووه‌م : گۆزۆ – پرۆڤینس – سامى لاند
3.راگرتنى یاریزانى یانه‌ى هه‌ولیَر هۆزان عه‌باس ژماره‌(24) بۆ (5)یارى داهاتوو. وه‌غه‌رامه‌كردنى یاریزانى ناوبراو به‌برِى (150000) سه‌دو په‌نجاهه‌زار دینار.
4.راگرتنى كارگیَرى یانه‌ى زاخۆ به‌ناوى (ئه‌مین) بۆ یه‌ك یارى داهاتوو, وه‌غه‌رامه‌كردنى به‌برِى (150000)سه‌دو په‌نجاهه‌زار دینار.
5.راگرتنى یاریزانى یانه‌ى دهۆك ئازاد ئه‌حمه‌د ژماره‌ (11) بۆ دوو یارى داهاتوو, وه‌غه‌رامه‌كردنى به‌برِى (150000)سه‌دو په‌نجاهه‌زار دینار.