یه‌كیَتى ناوه‌ندى تۆپى پیَى كوردستان كۆبوونه‌وه‌ى ئاسایى خۆى به‌ئاماده‌بوونى سه‌رۆك و سه‌رجه‌م ئه‌ندامانى له‌ رۆژى شه‌ممه‌ى ریَكه‌وتى 26/9/2009 گریَداو ئه‌م برِیارانه‌ى خواره‌وه‌ى ده‌ركرد :
1.تاقیكردنه‌وه‌ى جه‌سته‌یى و تیورى ناوبژیوانانى كوردستان به‌شیَوه‌ى خواره‌وه‌ له‌ یاریگاى سلیَمانى ئه‌نجام ده‌دریَت.
ا.ناوبژیوانانى عیَراقى و كوردستانى رۆژى شه‌ممه‌ ریَكه‌وتى 3/10/2009 له‌ یاریگاى سلیَمانى.
ب‌.ناوبژیوانانى كوردستانى رۆژ یه‌كشه‌ممه‌ ریَكه‌وتى 4/10/2009 له‌ یاریگاى سلیَمانى.
ج. كۆبوونه‌وه‌ى گشتى و تایبه‌ت له‌گه‌ڵ ناوبژیوانانى كوردستان رۆژى یه‌كشه‌ممه‌ ریَكه‌وتى 4/10/2009 كاتژمیَر(2,00)ى دوایى نیوه‌رِۆ له‌ شارى سلیَمانى ئه‌نجام ده‌دریَت.
د. پیَویسته‌ سه‌رۆكى لیژنه‌كانى ناوبژیوانانى لقه‌كانى پاریَزگاكان كۆبوونه‌وه‌ى تایبه‌ت ئه‌نجام بده‌ن ئیَنجا وانه‌ به‌سه‌ر ناوبژیوانان هه‌ریه‌كه‌و له‌شارى خۆى ده‌وتریَته‌وه‌.
2.  كۆبوونه‌وه‌ى تایبه‌ت له‌گه‌ڵ سه‌رجه‌م سه‌رپه‌رشتیارانى یارییه‌كانى خوله‌كانى كوردستان رۆژى یه‌كشه‌ممه‌ ریَكه‌وتى 4/10/2009 كاتژمیَر(1,00)ى دوایى نیوه‌رِۆ له‌شارى سلیَمانى ئه‌نجام ده‌دریَت.
3. كۆبوونه‌وه‌ى تایبه‌ت له‌گه‌ڵ رِاهیَنه‌ران و یاریده‌ده‌رانى یانه‌پله‌نایابه‌كانى كوردستان رۆژى یه‌كشه‌ممه‌ ریَكه‌وتى 4/10/2009 كاتژمیَر(11)ى به‌یانى له‌شارى سلیَمانى ئه‌نجام ده‌دریَت كۆبوونه‌وه‌ كه‌ اجباریه‌.
4. داوا له‌سه‌رجه‌م یاریزانانى تۆپى پیَى كوردستان ده‌كه‌ین كه‌ به‌زووترین كات گریَبه‌ست(عقد)له‌ یه‌كیَتى تۆپى پیَى كوردستان په‌سه‌ندبكه‌ن گه‌رنا له‌وه‌رزى داهاتوو گواستنه‌وه‌ى به‌ده‌سبه‌ردار(استغناء)
گواستنه‌وه‌ى ده‌بیَت.
5. كۆبوونه‌وه‌ى هونه‌رى و رِاكیَشانى تیروپشكى قۆناغى كۆتایى خوله‌كانى پله‌دوو پله‌سیَى كوردستان ئه‌مرِۆ شه‌ممه‌ ریَكه‌وتى 26/9/2009 كاتژمیَر(11)ى به‌یانى له‌ باره‌گاى یه‌كیَتى تۆپى پیَى كوردستان ئه‌نجام درا.
6. پیَویسته‌ له‌سه‌ر سه‌رجه‌م یانه‌پله‌نایابه‌كانى كوردستان له‌ پیَش ده‌ستپیَكى خولى نایاب ووتنه‌وه‌ى وانه‌ى یاسایى تۆپى پیَ له‌ ریَگاى لیژنه‌ى ناوبژیوانانى پاریَزگاكه‌یان به‌سه‌ر یاریزانانیان بوتریَته‌وه‌.
7. دواخستنى خولى لاوان بۆ كاتیَكى نادیار به‌هۆى پابه‌ندنه‌بوونى یانه‌كان به‌ هیَنانى لیستى یاریزانان ویَنه‌و فۆرِمى خۆراك و ناسنامه‌كه‌یان.
8. له‌وه‌رزى 2009-2010 مامه‌ڵه‌ له‌گه‌ڵ ناوبژیوانان له‌سه‌ر بنه‌ماى رِیَزلیَنان و خه‌لاَت و سزاى دارایى ده‌كریَت.