یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی له‌ رۆژی شه‌ممه‌ی رێكه‌وتی 10/10/2009 گرێداو ئه‌م بڕیارانه‌ی خواره‌وه‌ی ده‌ركرد :
1. كۆبوونه‌وه‌كه‌ به‌ ئاماده‌بوونی سه‌رۆك و نوێنه‌رانی لقه‌كانی تۆپی پێی پارێزگاكانی هه‌ولێرو سلێمانی و كه‌ركوك و دهۆك ده‌ستپێكرا:
1. به‌رێز ئیبراهیم قاسم   سه‌رۆكی لقی تۆپی پێی سلێمانی
2. به‌رێز عه‌زیز مورشید  جێگری سه‌رۆكی لقی تۆپی پێی كه‌ركوك
3. سوبحی كامل    ئه‌ندامی لقی تۆپی پێی دهۆك
4. سیروان سه‌لمان   ئه‌ندامی لقی تۆپی پێی هه‌ولێر
بۆ تاوتوێكردنی دواین ره‌وشی تۆپی پێی عێراقی فیدراڵ و كۆبوونه‌وه‌كانی دواینی لیژنه‌ی هه‌ڵبژاردن و بڕیاره‌ نادروسته‌كان.
وه‌هه‌وڵی هه‌مووان بخه‌ینه‌گه‌ڕ بۆ به‌رزكردنه‌وه‌ی ئاستی ناوبژیوانان هه‌ربۆیه‌ بڕیاردرا مانگانه‌ ئه‌نجامدانی تاقیكردنه‌وه‌ی تیۆری و جه‌سته‌یی بۆ ناوبژیوانان به‌هۆی ئاست به‌رزیی و به‌هێزی یارییه‌كانی خولی نایابی كوردستان ئه‌نجام بدرێت.
2. ئاگاداری یانه‌ی وه‌رزشی پێرس ده‌كه‌ینه‌وه‌ كه‌پێوسته‌ بۆ یاری داهاتوو كه‌یاریگاكه‌یان به‌ ته‌واوی ئاماده‌بكرێت به‌تایبه‌ت شووری (B.R.C) یاریگای كۆنتڕۆڵ بكرێت ژووره‌كانی تایبه‌ت به‌ تیپی میوان و ناوبژیوانان به‌جیا ئاماده‌بكرێت وه‌ نوێنه‌ری یه‌كێتیه‌كه‌مان سه‌ردانی یاریگا ده‌كات گه‌ر ئاماده‌نه‌بێت بۆ یاری یارییه‌كان ده‌گوازرێته‌وه‌.
3. له‌یاری نێوان یانه‌ی هه‌ندرێن و یانه‌ی نه‌ورۆز له‌خولی یه‌كه‌می قۆناغی یه‌كه‌م دوایی لێكۆلینه‌وه‌ی راپۆرته‌كان و ته‌ماشاكردنی شریتی یارییه‌كه‌ بڕیاردرا:
ا. غه‌رامه‌كردنی ناوبژیوان رێبوار عه‌باس به‌بڕی(100000)سه‌دهه‌زاردینار به‌هۆی كه‌مته‌رخه‌می و له‌ده‌ستدانی كۆنتڕۆل و بڕیاری نادروست بۆ هه‌ردوو یانه‌.
ب. راگرتنی له‌ به‌رێوه‌بردنی سێ‌ یاری داهاتوو.
ج. خه‌ڵاتكردنی یاریده‌ده‌ری ناوبژیوان سه‌ربه‌ست خالد به‌بڕی(100000)سه‌دهه‌زار دینار به‌هۆی هاوكاری و دروستی بڕیاره‌كانی.
د. غه‌رامه‌كردنی یانه‌ی وه‌رزشی هه‌ندرێن به‌بڕی(300000)سێ‌ سه‌دهه‌زار دینار به‌هۆی كۆنتڕۆل نه‌كردنی ژووری ناوبژیوانان.
و. هیچ كه‌سێك بۆی نیه‌ له‌نێویاریگای هه‌ندرێن دابنیشێت ته‌نیا ئه‌و كه‌سانه‌ی ناویان له‌لیستی یاری داهاتووه‌.
4. ئاگاداری سه‌رجه‌م یانه‌كان ده‌كه‌ینه‌وه‌ كه‌ قه‌ده‌غه‌یه‌ هیچ كه‌سێك له‌سه‌رۆك و ده‌سته‌ی كارگێری له‌ده‌ستپێك و كۆتایی یارییه‌كان بچنه‌ ژووری ناوبژیوانان و سه‌رپه‌رشتیاران به‌پێچه‌وانه‌ یانه‌كه‌ غه‌رامه‌ده‌كرێت به‌بڕی(500000)پێنج سه‌دهه‌زار دینار.
پێویسته‌ له‌سه‌ر سه‌رپه‌رشتیارو ناوبژیوانان ئه‌م بڕیاره‌ به‌ ووردی جێ‌ به‌جێ‌ بكه‌ن.
5. غه‌رامه‌كردنی هه‌ردوو ڕاهێنه‌ری یانه‌ی دهۆك و یانه‌ی سه‌وره‌ به‌رێزان عیماد قادرو صباح عبدالحسن به‌بڕی(200000)دووسه‌د هه‌زار دینار, به‌هۆی ئاماده‌نه‌بوونیان له‌ كۆبونه‌وه‌ی تایبه‌ت به‌ ڕاهێنه‌ران له‌ شاری سلێمانی.
6. ده‌ستنیشانكردنی ده‌سته‌ی سه‌رپه‌رشتیاران و ناوبژیوانانی خوله‌كانی نایاب و پله‌دوو و پله‌سێی كوردستان.