یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی رۆژی شه‌ممه‌ی رێكه‌وتی 24/10/2009 گرێداو ئه‌م بڕیارانه‌ی خواره‌وه‌ی ده‌ركرد :
1. ئاگاداری سه‌رجه‌م یانه‌كانی خولی پله‌نایاب ده‌كه‌ینه‌وه‌ كه‌ زیادكردنی ناوی یاریزان بۆ لیست(كشوفات)پێویسته‌ پێش ده‌ستپێكی یاری به‌(24)بیست و چوار كاتژمێر یان به‌ ئیمێلی یه‌كێتیه‌كه‌مان یا به‌ده‌ست بگاته‌ باره‌گای یه‌كێتیه‌كه‌مان .
2. رێگادان به‌ یاریزان (چیا‌و عبدالحكیم حمید)به‌یاریكردن بۆ یانه‌ی وه‌رزشی سیروانی نوێ‌.
3. ا. ئاگاداری كۆتایی بۆ یانه‌ی نه‌ورۆز كه‌نابێت هه‌ر یاریزانێك له‌لیستی یاریزانان كشوفات هه‌بێت ده‌ستبه‌رداری بۆ بكرێت .
ب. ژماره‌ی فانیله‌(8)هه‌شت له‌یانه‌ی نه‌ورۆز نادرێت یه‌هیچ یاریزانێك وه‌ ژماره‌ی یاریزانانی یانه‌ی نه‌ورۆز ده‌بێته‌ ته‌نیا(29)بیست و نۆ یاریزان مافی زیاتریان نیه‌.
4. پێویسته‌ له‌سه‌ر ناوبژیوانان و سه‌رپه‌رشتیارانی یاری و سه‌رپه‌رشتیارانی راگه‌یاندن رۆژی شه‌ممه‌ پێش كاتژمێر(11)ی به‌یانی راپۆرته‌كانیان بگاته‌ باره‌گای یه‌كێتیه‌كه‌مان به‌پێچه‌وانه‌ خۆیان به‌رپرسیارده‌بن.
5. ئاماده‌كاری ته‌واوبكرێت بۆ پێشوازی گه‌رم له‌ شاندی(VIVA.N.F.BOARD) هه‌رێمه‌كان بكرێت كه‌ سه‌ردانی هه‌رێمی كوردستان ده‌كه‌ن به‌مه‌به‌ستی سه‌ردان و دیده‌نی ژێرخانی تۆپی پێی كوردستان به‌مه‌به‌ستی ئه‌نجامدانی جامی(VIVA) بۆ هه‌رێمه‌كان له‌كوردستان سازبدرێت كه‌ پێكهاتووه‌ له‌ به‌ڕێزان سه‌رۆك و جێگرو به‌پرسی په‌یوه‌ندییه‌كان.
6. ده‌ستنیشانكردنی ده‌سته‌ی ناوبژیوانان و سه‌رپه‌رشتیارانی خولی چواره‌می قۆناغی یه‌كه‌می خولی نایاب.