یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی رۆژی دووشه‌ممه‌ رێكه‌وتی 2/11/2009 گرێداو ئه‌م بڕیارانه‌ی خواره‌وه‌ی ده‌ركرد :
1. ته‌واوی خه‌رجیه‌كانی پاڵه‌وانیه‌تی هه‌ڵبژارده‌كانی لاوان گروپی سێیه‌م حكومه‌تی هه‌رێمی كوردستان و لیژنه‌ی ئۆلۆمپی هه‌رێمی كوردستان و یه‌كێتی ناوه‌ندی تۆپی پێی كوردستان له‌ئه‌ستۆ ده‌گرێت به‌هۆی دابینه‌كردنی خه‌رجیه‌كان له‌لایه‌ن وه‌زاره‌تی وه‌رزش و لاوانی عێراقی فیدراڵ.
2. راهێنه‌ری ئه‌و یانانه‌ی له‌خولی نه‌رویجی تۆپیان وه‌رگرتووه‌ پێویسته‌ تۆپه‌كان بدرێنه‌ یانه‌كانی خۆیان و وه‌ له‌خولی لاوان و تازه‌پێگه‌یشتووان یاری پێوه‌بكه‌ن.
3. ئاگاداری كۆتایی بۆ هه‌ردوو یاریزانان:
ا. كارزان عه‌بدوڵڵا  له‌ یانه‌ی بروسك
ب. سه‌ربه‌ست سه‌عید  له‌ یانه‌ی نه‌ورۆز
     پێویسته‌ رێز له‌ یاساكانی دوایی یاری بگرن.
4. به‌هۆی رووداوه‌كانی یاری نێوان یانه‌ی پێشمه‌گه‌ی هه‌ولێرو ئارارات له‌خولی چواره‌م ووتنی قسه‌ی ناشرین له‌لایه‌ن راهێنه‌ری یانه‌ی پێشمه‌رگه‌ی هه‌ولێر عبدالقادر حسین به‌ده‌سته‌ی ناوبژیوانان بڕیاردرا:
أ‌. دوورخستنه‌وه‌ی له‌گه‌ڵ تیپه‌كه‌ی له‌ یاری داهاتوو
ب‌. غه‌رامه‌كردنی به‌بڕی(200000)دووسه‌د هه‌زار دینار
5. به‌هۆی رووداوه‌كانی یاری نێوان یانه‌ی دهۆك و یانه‌ی پێرس له‌خولی چواره‌م به‌هۆی هه‌ڵس و كه‌وتی دوور له‌گیانی وه‌رزشی یاریزان (فرهاد سدیق) به‌رامبه‌ر ده‌سته‌ی ناوبژیوانان بڕیاردرا:
أ‌. راگرتنی بۆ یه‌ك یاری له‌گه‌ڵ كارته‌ سووره‌كه‌ی.
ب‌. غه‌رامه‌كردنی به‌بڕی(150000)سه‌دو په‌نجاهه‌زار دینار
6. به‌هۆی ئه‌نجامدانی یارییه‌كانی پاڵه‌وانیه‌تی هه‌ڵبژارده‌كانی لاوانی ئاسیا گروپی سێیه‌م كه‌ له‌رۆژی پێنج شه‌ممه‌ 5/11/2009 له‌شاری هه‌ولێر ئه‌نجام ده‌درێت, بڕیاردرا خولی پێنجه‌م له‌ قۆناغی یه‌كه‌م له‌خولی كوردستان رۆژی هه‌ینی رێكه‌وتی 6/11/2009 كاتژمێر(2,30)ی دوای نیوه‌ڕۆ ئه‌نجام بدرێت .
7. ده‌ستنیشانكردنی ده‌سته‌ی سه‌رپه‌رشتیاران و ناوبژیوانانی خولی پێنجه‌می قۆناغی یه‌كه‌م له‌خولی نایاب.
8. ئه‌نجامدانی كۆبوونه‌وه‌یه‌ك له‌گه‌ڵ سه‌رۆك وئه‌ندامانی یه‌كێتی تۆپی پێی عێراقی فیدراڵ كه‌پێكهاتبوون له‌ به‌ڕێزان  حوسێن سه‌عید سه‌رۆك و  عه‌بدولخالیق مه‌سعود به‌رپرسی دارایی محه‌مه‌د جه‌واد سائیغ ئه‌ندام,  به‌مه‌به‌ستی رێكخستن و ده‌ستنیشانكردنی لیژنه‌كانی یارییه‌كانی پاڵه‌وانیه‌تی گروپی سێ‌ یه‌می هه‌ڵبژارده‌كانی لاوانی ئاسیا.