یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی رۆژی شه‌ممه‌ رێكه‌وتی 7/11/2009 گرێداو ئه‌م بڕیارانه‌ی خواره‌وه‌ی ده‌ركرد :
1. به‌هۆی رووداوه‌ ناوه‌رزشیه‌كانی یاری نێوان یانه‌ی خاك و بروسك له‌ خولی پێنجه‌م بڕیاردرا:
به‌هۆی هه‌ڵس و كه‌وتی دوور له‌گیانی وه‌رزشی كارگێری یانه‌ی بروسك بروسك(سه‌ربه‌ست حه‌سه‌ن)به‌ووتنی قه‌سه‌ی ناشیرین به‌ناوبژیوانان.
أ‌. دوورخستنه‌وه‌ له‌ یانه‌كه‌ی بۆ دوو یاری داهاتوو.
ب‌. غه‌رامه‌كردنی به‌بڕی(150000)سه‌دو په‌نجا هه‌زار دینار.
ج. ئاگاداری كۆتایی.
د. راگرتنی ناوبژیوانی چواره‌م كوردستان زاهیر بۆیه‌ك یاری به‌هۆی كۆنتڕۆڵ نه‌كردنی هێلی هونه‌ری و دانیشتوانی یه‌ك ده‌گ.
2. ئاگاداری سه‌رجه‌م سه‌رپه‌رشتیاران و ناوبژیوانانی چواره‌م ده‌كه‌ینه‌وه‌ به‌كۆنتڕۆڵ كردنی ناوچه‌ی هونه‌ری و پشكنینی یاریزانان و ووردبینی ناوه‌كان بكه‌ن.
3. ئاگاداری یانه‌ی هه‌ولێر ده‌كه‌ینه‌وه‌ به‌رێكخستن و كۆنتڕۆڵ كردن و چاككردنه‌وه‌ی یاریگای دووه‌می شه‌هیدفره‌نسۆ هه‌ریری بۆ یاری داهاتوو گه‌رنا یاری تیا ئه‌نجام نادرێت.
4. به‌هۆی دابینه‌كردنی ژووری سه‌رپه‌رشتیاران و ناوبژیوانان یاریگای پێرس بڕیاردرا به‌ غه‌رامه‌كردنی یانه‌ی ناوبراو به‌بڕی(300000)سێ‌ سه‌دهه‌زار دینار.
5. دوورخستنه‌وه‌ی سه‌رپه‌رشتیاری یاری (ئه‌حمه‌د عزیز)بۆیه‌ك یاری به‌هۆی په‌یوه‌ندی نه‌كردنی به‌سه‌رووی خۆیه‌وه‌ له‌ ئه‌نجامی یاری.
6. خولی شه‌شه‌می قۆناغی یه‌كه‌می خولی نایاب رۆژی هه‌ینی رێكه‌وتی 13/11/2009 كاتژمێر(2,30)خوله‌ك ئه‌نجام ده‌درێت.
7. ئه‌نجامدانی تاقیكردنه‌وه‌ی جه‌سته‌یی و تیۆری سه‌رجه‌م ناوبژیوانانی پله‌یه‌ك و پله‌دوو رۆژی دووشه‌ممه‌ رێكه‌وتی 16/11/2009 كاتژمێر(7)ی به‌یانی له‌ یاریگای شه‌هیدفره‌نسۆ هه‌ریری.
8. هه‌ر ناوبژیوانێك له‌ تاقیكردنه‌وه‌كه‌ سه‌ركه‌وتوو نه‌بێت مافی به‌ڕێوه‌بردنی یاری نابێت تا تاقیكردنه‌وه‌ی داهاتوو.