یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی رۆژی شه‌ممه‌ رێكه‌وتی 21/11/2009 گرێداو ئه‌م بڕیارانه‌ی خواره‌وه‌ی ده‌ركرد :
1. ته‌واو هاوكاری رێكخراوی وه‌رزشی سه‌لاح سامی عبدولڕه‌حمان بۆ ئه‌نجامدانی خولی فوتساڵ بۆ هه‌ڵبژارده‌كانی پارێزگاكانی هه‌ولێر- سلێمانی-دهۆك و كه‌ركوك كچان ده‌كه‌ن.
2. ره‌زامه‌ندی وه‌رنه‌گیرا له‌سه‌ر به‌ندی یاری نه‌كردن به‌رامبه‌ر یانه‌ی برایه‌تی به‌ نووسراوی یانه‌ی ئاڵا ژماره‌(122) له‌ 17/11/2009.
3. رۆژی هه‌ینی رێكه‌وتی 4/12/2009 یاری كۆتایی خولی یانه‌ پله‌دووه‌كانی كوردستان له‌ یاریگای یانه‌ی بروسك ئه‌نجام ده‌درێت له‌نێوان یانه‌ی سناعه‌و یانه‌ی شاوێس كاتژمێر(2,30)ی دوای نیوه‌ڕۆ.
4. رۆژی شه‌ممه‌ رێكه‌وتی 5/12/2009 یاری كۆتایی خولی یانه‌ پله‌سێیه‌كانی كوردستان له‌ یاریگای یانه‌ی كه‌ركوك له‌نێوان یانه‌ی كرێكاران و یانه‌ی به‌ڕانه‌تی كاتژمێر(2,30)ی دوای نێوه‌ڕۆ ئاماده‌كاری بۆ مه‌ڕاسیمه‌كه‌ بكرێت.
5. یارییه‌كانی هه‌فته‌ی هه‌شته‌می قوناغی یه‌كه‌م رۆژی چوارشه‌ممه‌ رێكه‌وتی 25/11/2009 ئه‌نجام ده‌درێت.
6. ده‌ستپێكردنی خولی لاوانی یانه‌پله‌نایابه‌كانی كوردستان رۆژی هه‌ینی رێكه‌وتی 4/12/2009 كاتژمێر(2)دوای نێوه‌ڕۆ خولی یه‌كه‌می قۆناغی یه‌كه‌م یارییه‌كان به‌ڕێوه‌ده‌چێت.
7. 20/12/2009 دواین كاتی وه‌رگرتنی سه‌رجه‌م پێدوایستییه‌كانی یاریزانانی خولی تازه‌پێگه‌یشتووانی یانه‌پله‌نایابه‌كانی كوردستان(ناسنامه‌-فۆڕمی خۆراك- وێنه‌- لیستی یاریزانان- پشتگیری فه‌رمانگه‌ی باری شارستانی به‌ڵێنامه‌ی یانه‌ به‌ واژووی سه‌رۆكی یانه‌ و به‌ڵێنامه‌ی ڕاهێنه‌ر.
8. به‌هۆی هه‌ڵس و كه‌وتی دوور له‌گیانی وه‌رزشی و ووتنی قسه‌ی ناشیرین به‌ ده‌سته‌ی ناوبژیوانانی یاری نێوان یانه‌ی سیروانی نوێ‌ و یانه‌ی هه‌ندرێن له‌ خولی حه‌وته‌م كارگێری تیپی سیروانی نوێ‌ (سۆران رحیم كه‌ریم), بۆیه‌ بڕیاردرا:
أ‌. راگرتنی به‌ یاوه‌ری نه‌كردنی یانه‌كه‌ی بۆ سێ‌ یاری داهاتوو
ب‌. غه‌رامه‌كردنی به‌بڕی(150000)سه‌دو په‌نجاهه‌زار دینار.
9. ڕاهێنه‌ری یانه‌كانی لاوان و تازه‌پێگه‌یشتووانی یانه‌پله‌نایابه‌كانی كوردستان رۆژی دووشه‌ممه‌ رێكه‌وتی 30/11/2009 كاتژمێر(11)به‌یانی له‌ باره‌گای یه‌كێتی ناوه‌ندی تۆپی پێی كوردستان ئاماده‌بن به‌مه‌به‌ستی وه‌رگرتنی كه‌ل و په‌لی وه‌رزشی.
10. تاقیكردنه‌وه‌ی تیۆری و جه‌سته‌یی سه‌رجه‌م ناوبژیوانانی پله‌سێ‌ و ناوبژیوانانی ده‌رنه‌چوو له‌ تاقیكردنه‌وه‌كانی پێشوو ده‌توانن به‌شداری بكه‌ن له‌ تاقیكردنه‌وه‌ی جه‌سته‌یی و تیۆری رۆژی چوارشه‌ممه‌ رێكه‌وتی 9/12/2009 كاتژمێر(7)ی به‌یانی له‌ یاریگای شه‌هید فره‌نسۆ له‌هه‌ولێر.
11. بڕیاردرا به‌ دانانی سه‌رپه‌رشتیاری راگه‌یاندن بۆ سه‌رجه‌م یارییه‌كانی لاوان و تازه‌پێگه‌یشتووانی خوله‌كانی كوردستان به‌مه‌به‌ستی زیاتر گرنگیدان به‌ خوله‌كانی لاوان و تازه‌پێگه‌یشتووان.
12. ده‌ركردنی به‌یان نامه‌یه‌ك بۆ روونكردنه‌وه‌ی هه‌ڵوێستی یه‌كێتی تۆپی پێی كوردستان له‌مه‌ڕ كێشه‌و گرفته‌كانی ئه‌م دواییه‌ی یه‌كێتی تۆپی پێی عێراقی.