یه‌كێتی ناوه‌ندی تۆپی پێی كوردستان كۆبوونه‌وه‌ی ئاسایی خۆی به‌ئاماده‌بوونی سه‌رۆك و سه‌رجه‌م ئه‌ندامانی رۆژی شه‌ممه‌ رێكه‌وتی 19/12/2009 گرێدا و ئه‌م بڕیارانه‌ی خواره‌وه‌ی ده‌ركرد :
یه‌كه‌م: یه‌كێتیه‌كه‌مان تیپه‌كانی سه‌ركه‌وتوو له‌خوله‌كانی پله‌دووه‌كان و سێیه‌كانی خه‌ڵاتكرد به‌مه‌به‌ستی گرنگیدان و پێشكه‌وتنیان.
أ‌. پله‌دووه‌كان: 1. یانه‌ی پیشه‌سازی
 2. یانه‌ی شاوێس
ب‌. پله‌سێیه‌كان: 1. یانه‌ی به‌ڕانه‌تی
                             2.یانه‌ی كرێكاران
دووه‌م: كۆبوونه‌وه‌ی تایبه‌ت له‌گه‌ڵ لیژنه‌ی راگه‌یاندنكارانی كوردستان لێكۆلینه‌وه‌ له‌سه‌ر چۆنیه‌تی كاراكردنی راگه‌یاندن به‌مه‌به‌ستی په‌ره‌پێدان و پێشكه‌وتنی تۆپی پێی كوردستان و گرنگیدان به‌ ته‌واوی پله‌كان و ته‌مه‌نه‌كان به‌هه‌ره‌دراران.
سێیه‌م: به‌رزكردنه‌وه‌ی پله‌ی ناوبژیوانان له‌وه‌رزێكه‌وه‌ بۆ وه‌رزێكی تر ده‌بێت.
چواره‌م: له‌گه‌ڵ كۆتایی قۆناغی یه‌كه‌می خولی نایاب پێویسته‌ سه‌رجه‌م ناوبژیوانان فایلی تایبه‌تیان هه‌بێت وه‌له‌م ئه‌ركه‌ لیژنه‌ی ناوبژیوانان به‌رپرسیاره‌.
پێنجه‌م: به‌هۆی رووداوی یاری نێوان یانه‌ی بروسك و هه‌ولێر له‌خولی یازده‌هه‌می قۆناغی یه‌كه‌م له‌خولی پله‌نایابه‌كانی كوردستان وه‌ به‌هۆی هه‌ڵه‌ی ناوبژیوان(رزگار بایز)به‌لێدانی سزای نادروست له‌سه‌ر یانه‌ی بروسك بڕیاردرا:
1. راگرتنی ناوبژیوان(رزگار بایز) بۆ دوو یاری داهاتوو.
2. غه‌رامه‌كردنی به‌بڕی(100000)سه‌د هه‌زار دینار
3. سزادانی راهێنه‌ری یانه‌ی بروسك(دلشاد مه‌عروف)به‌هۆی جوێندان و ده‌رچوون له‌ گیانی وه‌رزشی به‌:
أ‌. راگرتنی بۆ دوو یاری داهاتوو به‌ یاوه‌ری نه‌كردنی تیپه‌كه‌ی .
ب‌. غه‌رامه‌كردنی به‌بڕی(200000)دووسه‌دهه‌زار دینار.
ج. وه‌ سوپاس و پێزانین بۆ به‌رێزان(كاروان عه‌بدولكه‌ریم سكرتێری یانه‌ی بروسك- بژار ئه‌كره‌م یاریده‌ده‌ری راهێنه‌ر- سامان سلێمان سه‌رپه‌رشتیاری راگه‌یاندن)به‌هۆی به‌رپرسیاریه‌تی به‌رزو هه‌ست كردن به‌ ئه‌ركه‌ پیرۆزه‌كان له‌ یاری ناوبراو.
شه‌شه‌م: به‌هۆی رووداوه‌كانی یاری نێوان یانه‌ی كه‌ركوك و یانه‌ی نه‌ورۆز له‌ خولی یازده‌هه‌می قۆناغی یه‌كه‌می یانه‌پله‌نایابه‌كان بڕیاردرا:
A - به‌هۆی وتنی قسه‌ی ناشیرین به‌ یاریده‌ده‌ری ناوبژیوان(سه‌بهان ئه‌حمه‌د)له‌ لایه‌ن (توانا جه‌مال)ی ڕاهێنه‌ری گۆڵچی بڕیاردرا:
أ‌. بێ‌ به‌ش كردنی راهێنه‌ری ناوبراو له‌ خولی ڕاهێنه‌رایه‌تی گۆڵچیه‌كان.
ب‌. دوورخستنه‌وه‌ی له‌ تیپه‌كه‌ی بۆ (3)سێ‌ یاری داهاتوو.
ج. غه‌رامه‌كردنی به‌بڕی(150000)سه‌دو په‌نجا هه‌زار دینار.
د. ئاگاداری كۆتایی .
-B ا. راگرتنی گۆڵچی یانه‌ی نه‌ورۆز (ئیسماعیل ئه‌حمه‌د)بۆ دوو یاری به‌هۆی جنێودان به‌ ناوبژیوانان.
 ب. غه‌رامه‌كردنی گۆڵچی ناوبراو به‌بڕی(150000)سه‌دو په‌نجا هه‌زار دینار.
-C ا. ئاگاداری كۆتایی بۆ یاریده‌ده‌ری پزیشكی یانه‌ی نه‌ورۆز(ئه‌یوب عه‌لی)به‌هۆی جوێندانه‌وه‌.
 ب. غه‌رامه‌كردنی ناوبراو به‌بڕی(100000)سه‌د هه‌زار دینار.
حه‌وته‌م: به‌هۆی ئاماده‌نه‌بوونی پۆلیس له‌ یاری نێوان پێشمه‌رگه‌ی سلێمانی و یانه‌ی پێرس, یانه‌ی میواندار به‌بڕی(150000)سه‌دو په‌نجاهه‌زار دینار غه‌رامه‌كرا.
هه‌شته‌م: به‌هۆی رووداوه‌كانی یاری نێوان یانه‌ی خاك و پێشمه‌رگه‌ی هه‌ولێر شكاندنی جامی ژووری خۆ گۆرین له‌ ژووری خۆگۆرینی یانه‌ی پێشمه‌رگه‌ی هه‌ولێر بڕیاردرا: یانه‌ی پێشمه‌رگه‌ی هه‌ولێر به‌بڕی(150000)سه‌دو په‌نجا هه‌زار دینار غه‌رامه‌بكرێت.
نۆیه‌م: ده‌ستنیشانكردنی ده‌سته‌ی سه‌رپه‌رشتیاران و ناوبژیوانانی خولی دوازده‌هه‌می قۆناغی یه‌كه‌می خولی نایاب و لاوانی پله‌نایابه‌كان.